عمران خان کا آئندہ الیکشن میں ٹکٹوں کے حصول کیلئے پیسے کی ریل پیل روکنے کیلئے وٹس ایپ گروپ بنانے کا اعلان

muhammad ali محمد علی بدھ اپریل 19:36

عمران خان کا آئندہ الیکشن میں ٹکٹوں کے حصول کیلئے پیسے کی ریل پیل روکنے ..
لاہور (اردوپوائنٹ تازہ ترین اخبار- 18اپریل 2018ء) عمران خان نے آئندہ الیکشن میں ٹکٹوں کے حصول کیلئے پیسے کی ریل پیل روکنے کیلئے وٹس ایپ گروپ بنانے کا اعلان کر دیا ہے۔ تفصیلات کے مطابق تحریک انصاف کے سربراہ عمران خان کا کہنا ہے کہ اس مرتبہ ٹکٹ لینے کیلئے کسی امیدوار نے پیسہ چلانے کی کوشش کی تو اسے ٹکٹ کسی صورت نہیں دیا جائے گا۔

(جاری ہے)

پیسہ چلانے والا امیدوار چاہے کتنا ہی تگڑا کیوں نہ ہو، اسے ٹکٹ نہیں دیا جائے گا۔

اس مرتبہ ٹکٹ لینے کی خاطر پیسہ چلانے والوں کا پیسہ ضائع ہو جائے گا۔ عمران خان نے اعلان کیا ہے کہ وہ ایک وٹس ایپ گروپ بنا رہے ہیں، اگر کوئی بھی امیدوار ٹکٹ حاصل کرنے کیلئے پیسہ چلانے کی کوشش کرے، اس سے متعلق انہیں فوری طور پر وٹس ایپ گروپ میں مطلع کیا جائے۔ عمران خان نے مزید کیا کہا ہے، ملاحظہ کیجیے: