ملتان، حیدرآباد، کراچی بلیو اور ایبٹ آباد نے قائد اعظم ٹرافی گریڈ ٹو کے سیمی فائنل کے کوالیفائی کرلیا

بدھ 18 اپریل 2018 20:19

اسلام آباد (اُردو پوائنٹ اخبارتازہ ترین - این این آئی۔ 18 اپریل2018ء) ملتان، حیدرآباد، کراچی بلیو اور ایبٹ آباد نے قائد اعظم ٹرافی گریڈ ٹو کے سیمی فائنل کے کوالیفائی کرلیاہے، سیمی فائنل مقابلے 21 اپریل سے شروع ہوگا، چیئرمین پاکستان کرکٹ بورڈ کے مشیر شکیل شیخ نے کہا کہ ٹورنامنٹ میں دس ٹیمیں حصہ لے رہی ہیں جن میں کو دو گروپوں میں تقسیم کیا گیا، گروپ اے ملتان، ایبٹ آباد، آزاد جموں و کشمیر، کوئٹہ اوربہاولپور جبکہ کراچی بلیو، حیدرآباد، سیالکوٹ، لاڑکانہ اور ڈیرہ مراد جمالی شامل ہیں،پہلا سیمی فائنل میچ ملتان اور حیدرآباد کی ٹیموں کے درمیان ملتان سٹیڈیم میں کھیلا جائے گا، دوسرے سیمی فائنل میچ کراچی بلیو اور ایبٹ آباد کراچی سٹیڈیم میں ہوگا فائنل میچ 8 مئی کو کھیلا جائے گا، جس کے لئے جگہ کا اعلان جلد کیاہے۔