کراچی ،کشمیر کی موجودہ صورتحال نہایت تشویش ناک ہے،علامہ مقصود علی ڈومکی

بدھ اپریل 21:35

کراچی (اُردو پوائنٹ اخبارتازہ ترین۔ 18 اپریل2018ء) کشمیر کی موجودہ صورتحال نہایت تشویش ناک ہے۔کشمیری عوام روزانہ اپنے لہوسے تحریک آزادی کی داستان لکھ رہی ہے۔ہم نہتے کشمیری عوام کی استقامت کو سلام پیش کرتے ہیں کشمیر کا مسئلہ قومی مسئلہ ہے اور ہم مظلوم کشمیریوں کی حمایت کرتے رہیں گئے۔پاکستانی عوام اپنے مظلوم کشمیری بہن بھائیوں کے ساتھ ہیں ان خیالات کا اظہار صوبہ سندھ کے سیکرتٹری جنرل علامہ مقصود علی ڈومکی نے میڈیا سیل سے جاری بیان میں کیا ان کا کہنا تھا کہ ہندستان کی ظالم اور قابض فوج جتنا چاہئے ظلم کرلے کشمیر ی عوام کی جدوجہد ضرور رنگ لائے گی۔

خدا ظالموں کا کبھی ساتھ نہیں دیتا ہمیشہ فتح مظلوموں کی ہوتی ہے۔مقبوضہ کشمیرمیں بھارتی بربریت اور انسانیت سوز مظالم پر عالمی خاموشی مجرمانہ ہے۔

(جاری ہے)

۔۔مقبوضہ کشمیر میں بھارتی مظالم کو اجاگرکر نے اور عالمی بے حسی کو توڑنے کے لئے میڈیاکو مسلسل تحریک چلانے کی ضرورت ہے۔استعماری قوتوں نے اسلامی ممالک کو آپس میں الجھ دیا ہے۔ کشمیر کے حوالے سے ماسوائے چند اسلامی ممالک کے کوئی ملک آواز نہیں اٹھاتا۔

اس کی ایک اہم وجہ کشمیر کاز پر ہماری کمزور پالیسی بھی ہے۔کشمیرایشو پر وزارت خارجہ بیان جاری کر کے سمجھتی ہے کہ اس نے بڑا کام کر لیا ہے۔ہمارے ملک میں ایک کشمیر کمیٹی بنی ہوئی ہے جس کی سربراہی پر خود ممبران کو کوئی اعتراض نہیں جب کہ سب جانتے ہیں کہ کشمیر کمیٹی کی غیر فعالیت میں سب سے اہم کردار خود چیئرمین کمیٹی کا ہے۔ اس کمیٹی کو فعال کرنے کے لئے اس کی سربراہی کسی محب وطن پاکستانی کو دی جانی چاہئے تاکہ یہ کمیٹی صیح معنوں میں کام کرئے۔