فیصل آباد،متحدہ مجلس عمل آئندہ انتخابات میں پنجاب بھر میں اپنا مینڈیٹ ووٹ کی شکل میں وصول کرے گی، مخدوم زادہ سید محمد زکریا شاہ
عوام کئی سال سے مختلف جماعتوں کی سیر کرنے والے سیکولر لٹیروں کی بجائے ایم ایم اے کی صاف ستھری قیادت منتخب کریں، ایم ایم اے کے نو منتخب صدر کی دیگر رہنمائوں کی پریس کانفرنس
بدھ 18 اپریل 2018 22:52
(جاری ہے)
ان خیالات کااظہار متحدہ مجلس عمل ضلع فیصل آباد کے عہدیداروں کے چناؤ کے بعد رہنماؤں نے پریس کانفرنس سے خطاب کرتے ہوئے کیا۔
نومنتخب صدر ایم ایم اے مخدوم زادہ سید محمد زکریا شاہ نے بتایا کہ ایم ایم اے کا انتخابی اجلاس تمام جماعتوں کے چار چار ممبران مجلس عاملہ پر مشتمل تھا۔ جس میں مخدوم زادہ سید محمد زکریا شاہ جمعیت علماء اسلام کو ضلعی صدر، جماعت اسلامی کے انجینئر محمد عظیم رندھاوا سینئر نائب صدر، مولانا حافظ عبدالرحمن آزادمرکزی جمعیت اہلحدیث، مفتی عبدالشکور رضوی جے یوپی نورانی نائب صدر، سید غضنفر عباس ترمذی اسلامی تحریک نائب صدر جبکہ جمعیت علماء پاکستان نورانی کے پروفیسر ڈاکٹر مولانا منظور ساقی جنرل سیکرٹری، میاں عرفان جے یوآئی ف، صفدر علی شان اسلامی تحریک، ڈاکٹر طارق عباس چوہدری مرکزی جمعیت اہلحدیث کو بالترتیب ڈپٹی سیکرٹری اول، دوم، سوم ، مولانا علامہ عبدالصمد معاذ مرکزی جمعیت اہلحدیث کو سیکرٹری اطلاعات جبکہ اسلامی تحریک پاکستان کے آغا مولانا فضل عباس جعفری کو ضلعی خازن منتخب کرلیا گیا ہے۔ انہوں نے بتایا کہ کفر مسلمانوں کے مقابللے میں متحد ہوچکا ہے اس لئے اب امت پر ذمہ داری بڑھ گئی ہے کہ تمام مسلمان ایک ہو کر دینی اقدار کا تحفظ کریں۔ انہوں نے کہا نظریاتی اساس رکھنے والے ملک کو سیکولر سیاسی جماعتوں کے ہاتھوں یرغمال نہیں بننے دیں گے۔ انہوں نے بتایا کہ ایم ایم اے کا ضلعی سیکرٹری المرکز الاسلامی چنیوٹ بازار ہو گا ۔ انتخابات ایم ایم اے کا پارلیمنٹ پہنچنے کا ایک ذریعہ ہے جبکہ اتحاد امت اور پاکستان کی نظریاتی اسلامی اساس بڑے اور بنیادی مقاصد ہیں۔ انہوں نے بتایا کہ متحدہ مجلس عمل کی ہر صوبائی حلقے میں پانچوں جماعتوں کے چار چار افراد پر مشتمل 20رکنی سپریم کونسل قائم کی جائے گی اسی طرح یونین کونسل سطح پر منظم اور بہترین تنظیم سازی ہوگی۔ سپریم کونسل ہی یونین کونسل سے صوبائی حلقوں میں اپنے اپنے عہدیدارچنے گی۔ انہوں نے کہا 26اپریل کو جے یوپی کی میزبانی میں اگلااجلاس ہوگا اور تنظیم سازی کا جائزہ لیا جائے گا۔انہوں نے کہا ایم ایم اے واحد پاکستانی سیاسی اتحاد ہے جس کے رہنماؤں اور قیادت کے دامن پر کوئی داغ نہیں ۔ اس موقع پر منتخب عہدیداروں سمیت ایم ایم اے کی سپریم کونسل کے کئی ممبران بھی موجود تھے۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.