قومی ٹیم سا ئوتھ ایشیئن سینئر جوڈو چیمپئن شپ میں شرکت کیلئے نیپال پہنچ گئی

جمعرات اپریل 16:20

اسلام آباد ۔ (اُردو پوائنٹ اخبارتازہ ترین۔ 19 اپریل2018ء) قومی ٹیم سا ئوتھ ایشیئن سینئر جوڈو چیمپئن شپ میں شرکت کیلئے نیپال پہنچ گئی۔ پاکستان جوڈو فیڈریشن (پی جے ایف) کے نائب صدر اور میڈیا ڈائریکٹر مسعود احمد خان نے بتایا کہ چیمپئن شپ (آج) جمعہ سے نیپال کے شہر کھٹمنڈو میں شروع ہو گی جس میں 11 کھلاڑی پاکستان کی نمائندگی کریں گے جن میں 6 مرد اور 5 خواتین کھلاڑی شامل ہیں جبکہ ان کے ساتھ تین آفیشلز بھی ہمراہ ہوں گے۔

(جاری ہے)

ایونٹ میں شرکت کرنے والے ان مرد کھلاڑیوں میں شاہ حسین شاہ، قیصرخان، قاسم علی، محمد عباس، باہر حسین اور ندیم اکرم شامل ہیں۔ خواتین کھلاڑیوں میں حمیرا عاشق، مریم، شمائلہ گل، عاصہ بانو اور بینیش خان شامل ہیں جبکہ آفیشلز میں عابد مجید ٹیم منیجر، طالب حسین کوچ اور سیّد قمر شکیل بخاری بطور ریفری انجام دیں گے۔

متعلقہ عنوان :