پی ایس پی 20اپریل کوکے الیکٹرک ہیڈ افس نزد پنجاب چورنگی کے سامنے سہ پہر تین بجے مظاہرہ کرے گی، مصطفی کمال
فاروق ستار کو تنبیہ کرتا ہوں کہ جب ہمارے لوگ واپس آنا نہیں چاہتے تو انہیں مجبور کرنے کے لئے کالز نہ کریں،چیئرمین پی ایس پی
جمعرات 19 اپریل 2018 23:11
(جاری ہے)
اس مو قع پر چیئر مین پی ایس پی سید مصطفی کمال نے کہاکہ ایم کیو ایم اور پیپلز پارٹی مل کر شہر میں لسانی فسادات کرانے کی سازش کررہے ہیں سندھ یونیورسٹی میں اردو لکھنے پر پابندی سندھیوں کے خلاف سازش ہے،تختیوں پر سندھی لکھ دینے سے تعلیم کا معیار بہتر نہیں ہوجائے گاتعلیم کی بہتری کے لیے کام کریں، پیپلز پارٹی اور ایم کیو ایم اپنی نااہلی کو چھپانے کے لیے قوم کو اس چکر میں الجھا رہے ہیں،وزیر اعلی سندھ، گورنر سندھ دیگر اعلی حکام سے مطالبہ کرتے ہیں کہ سندھ یونی ورسٹی کے وائس چانسلر کو برطرف کرکے تحقیقات کرائی جائے،پی ایس پی 20اپریل کوکے الیکٹرک کے ہیڈ افس نزد پنجاب چورنگی پر سہ پہر تین بجے پرامن احتجاجی مظاہرہ منعقد کرے گی اس احتجاجی مظاہرے میں اہلیان کراچی، ڈاکٹر اانجینئرز،وکلاء، تاجر بردارری سمیت مختلف طبقات فکر سے تعلق کررکھنے والے فراد بھر پورتعدادمیں شرکت کریں انہوں نے کہاکہپاک سر زمین پارٹی کے لئے بہت بڑا دن ہے کیونکہ ہمارے ساتھ بہت ہی معتبر شخصیت، ملک کے دانشور،صدیق راٹھور صاحب کے صاحبزادے ڈاکٹر جمیل راٹھور پی ایس پی کے قافلے میں شامل ہورہے ہیں،ہم سب سے اللہ تعالی انسانیت کی بھلائی کا کا م لے لیں، جمیل راٹھور کی شمولیت ہماری خوش قسمتی ہے ہوسکتا ہے کہ کچھ دیر بعد فاروق ستار یہ الزام لگادیں کہ جمیل راٹھور کو زبردستی لایا گیا ہے، فاروق ستار ہارے ہوئے انسان ہیں ہمارے بہت سے ایم این ایز کو فون کالز کے زریعہ واپسی کے لیے منایا جا رہا ہے میں فاروق ستار کو تنبیہہ کرتا ہوں کہ جب ہمارے لوگ واپس آنا نہیں چاہتے تو انہیں مجبور کرنے کے لئے کالز نا کریں، فاروق ستار کے لئے دو سال دعا کی کہ وہ اپنی شر انگیزی سے باز آجائیں، فاروق ستار باز نا آئے تب ہی ان پر پارٹی کے دروازے بند کئے، فاروق ستار جیسے کردار کے لوگ مہاجروں کے خیر خواہ کیسے ہو سکتے ہیں ان کے رہتے ہوئے پیپلز پارٹی نے تمام حقوق سلب کئے یہ اس قابل بھی نہیں کہ پیپلز پارٹی کے سامنے جاکر کھڑے ہوسکیں انہوں نے کہاکہ ایم کیو ایم کا برانڈ پٹ چکا ہے کہ ایم کیو ایم والوں نے اپنی حرکتوں سے خراب کیاہے جب کسی کو مہاجر قوم کو مارنے کا دل کرے گا وہ ایم کیو ایم کا برانڈ استعمال کرے گا معروف عالم دین اور مذہبی اسکالرجمیل راٹھور نے کہاکہ ہم نے لسانی تعصب اور فرقہ وارانہ سیاست کا خاتمہ کرنا ہے اس لئے میں اپنے پورے نظریہ کے ساتھ پاک سر زمین پارٹی کو شامل ہواہے کیونکہ یہ لوگ جوڑنے کی بات کر تے ہیں توڑنے کی نہیں اس لئے میں انکے ساتھ ہوں، اس مو قع پر صدر انیس قائم خانی نے گفتگو کر تے ہوئے کہاکہ میں وزیر اعلی سندھ کو دعوت دیتاہوں کہ وہ ہمارے مظاہرے میں شرکت کریں۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.