قومی ٹیم سا ئوتھ ایشین سینئر جوڈو چیمپئن شپ میں شاندار کارکردگی کا مظاہرہ کرے گی، مسعوداحمد خان

جمعہ 20 اپریل 2018 13:14

اسلام آباد ۔ (اُردو پوائنٹ اخبارتازہ ترین۔ 20 اپریل2018ء) پاکستان جوڈو فیڈریشن (پی جے ایف) کے نائب صدر اور میڈیا ڈائریکٹر مسعود احمد خان نے کہا ہے کہ قومی ٹیم سائوتھ ایشین سنیئر جوڈو چیمپئن شپ میں شاندار کارکردگی کا مظاہرہ کرے گی۔ گذشتہ روز اے پی پی سے گفتگو کرتے ہوئے انہوں نے کہا کہ سائوتھ ایشین سنیئر جوڈو چیمپئن شپ نیپال کے شہر کھٹمنڈو میں شروع ہو چکی ہے جس میں چھ ممالک کی ٹیمیں حصہ لے رہی ہیں جن میں پاکستان سمیت میزبان نیپال، سری لنکا،، بنگلہ دیش،، بھارت بھوٹان شامل ہیں جبکہ مالدیپ میں ابھی تک جوڈو کی کوئی فیڈریشن وجود میں نہیں ہے اس لئے مالدیپ کی ٹیم چیمپئن شپ میں حصہ نہیں لے رہی ہے۔

انہوں نے بتایا کہ چیمپئن شپ میں 11 کھلاڑی پاکستان کی نمائندگی کر رہے ہیں جن میں 6 مرد اور 5 خواتین کھلاڑی شامل ہیں ۔

(جاری ہے)

مرد کھلاڑی چھ اور خواتین کھلاڑی پانچ کیٹگریز کے مقابلوں میں حصہ لے رہے ہیں، مردکھلاڑیوں میں شاہ حسین شاہ پلس 100 کلوگرام، قیصرخان 90 کلوگرام، محمد عباس 81کلوگرام، باہر حسین 66کلوگرام ، مدثر علی 60 کلوگرام اور ندیم اکرم 73کلوگرام شامل ہیں۔

خواتین کھلاڑیوں میں حمیرا عاشق 48کلوگرام، مریم 52کلوگرام، شمائلہ گل 57کلوگرام، عاصہ بانو 63کلوگرام اوربینیش خان 78 کلوگرام میں شامل ہیں جبکہ آفیشلز میں عابد مجید ٹیم منیجر، طالب حسین کوچ اور سیّد قمر شکیل بخاری بطور ریفری انجام د ے رہے ہیں اور امید ہے کہ قومی کھلاڑی چیمپئن شپ میں شاندار کارکردگی کا مظاہر ہ کریں گے کیونکہ کھلاڑیوں نے تربیتی کیمپ میں بھر پور محنت کر رکھی ہے۔

انہوں نے کہا کہ ان کھلاڑیوں کا انتخاب میرٹ کی بنیاد پر ٹرائلز کے ذریعے کیا گیا تھا، ایک سوال کے جواب میں مسعود احمد نے کہا کہ ملک میں جوڈو کا بے پناہ ٹیلنٹ موجود ہے ضرورت اس امر کی ہے کہ کھلاڑیوں کو سہولیات فراہم کی جائیں۔ انہوں نے کہا کہ ہمارے جوڈو کے کھلاڑیوں نے کئی انٹرنیشنل سطح پر میڈلز حاصل کر رکھے ہیں۔ ایک اور سوال کے جواب میں انہوں نے کہا کہ گراس رو ٹ سطح پر بھی جوڈو کے مقابلوں کا انعقاد کیا جاتا ہے اور ہائرایجوکیشن کمیشن کے زیراہتمام آل پاکستان انٹر یونیورسٹیز جوڈو چیمپئن شپ میں ہر سال منعقد کی جاتی ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

سہ فریقی ٹی ٹونٹی ڈیف سیریز کا فائنل کل کھیلا جائیگا

جمعرات 20 ستمبر 2018 - 21:48

غربت،ناانصافی، جہالت، محرومی، جارحیت اور توسیع پسندانہ عزائم امن کے قیام میں بڑی رکاوٹیں ہیں،

جمعرات 20 ستمبر 2018 - 21:48

واقعہ کربلا صبر و تحمل، رواداری،ایثار اورقربانی کا درس دیتا ہے،حق و باطل کا یہ معرکہ مسلمانوں کو ظلم اور بربریت کیخلاف جہاد کرنے کا درس دیتاہے،وزیراعلیٰ ..

جمعرات 20 ستمبر 2018 - 21:48