قومی یکجہتی کے فروغ کیلئے پنجاب یونیورسٹی میں صوبوں کے طلباء کے مابین 14مقابلہ جات (آج )سے شروع ہونگے

پاکستان ہم نصابی مقابلہ جات ''2018''میں صوبہ پنجاب، سندھ، بلوچستان، پختونخواہ اور کشمیر سمیت پاکستان بھر سے 1500 سے زائد طلباء شرکت کر ینگے

اتوار 22 اپریل 2018 18:20

لاہور (اُردو پوائنٹ اخبارتازہ ترین - این این آئی۔ 22 اپریل2018ء) پنجاب یونیورسٹی میں دوسرے آل پاکستان ہم نصابی مقابلہ جات ''2018''میں صوبہ پنجاب، سندھ، بلوچستان، پختونخواہ اور کشمیر سمیت پاکستان بھر سے پندرہ سو سے زیادہ طلباء شرکت کر رہے ہیں۔پنجاب ہائیر ایجوکیشن کے چیرمین ڈاکٹر نظام الدین افتتاحی تقریب کے مہمان خصوصی ہیں۔ تفصیلات کے مطابق پنجاب ہائیر ایجوکیشن،دی ایجوکیشنسٹ، جا معہ پنجاب ، ادارہ تعلیم وتحقیق اور لاہور کالج فار وومن یونیورسٹی اور نیب کے تعاون سے 23تا 27اپریل منعقد ہونے والے 14ہم نصابی مقابلہ جات میں پنجاب سے 920،سندھ 15، پختونخواہ11، بلوچستان 18اور کشمیر سی5ٹیمیں حصہ لے رہی ہیں۔

یہ مقابلہ جات قومی یکجہتی کے فروغ کے لیے منعقد ہو رہے ہیں تاکہ مختلف صوبوں اور شہروں کے طلباء کو ایک جگہ اکھٹا کر کے بات چیت کے مواقع فراہم کیے جائیں۔

(جاری ہے)

ان مقابلہ جات میں قرا ت، نعت، اردو انگریزی پنجابی مباحثے،فوٹوگرافی،مضمون نویسی، شاعری،پینٹنگ، ملی نغمے اور تھیٹر ڈرامے شامل ہیں۔ افتتاحی تقریب کے مہمان خصوصی چیئرمین پنجاب ہائیر ایجوکیشن کمیشن ڈاکٹر نظام الدین ہوں گے ٓاورپاکستان بھر سے آئے ہوئے طلباء کے وفود شرکت کریں گے۔یہ مقابلہ جات بیک وقت یونیورسٹی کے چار ہالوں فیصل آڈیٹوریم ، وحید شہد ہال ، آئی ۔ای ۔ آر اور الرازی ہال میں منعقد ہونگے۔ پانچ دن جاری رہنے کے بعد 27اپریل بروز جمعہ تقریب تقسم انعامات منعقد ہوگی۔