علی ظفرکےقانونی نوٹس کا سامنا کرنےکیلئےمیشا شفیع کا وکیل مقرر

ابھی توسوشل میڈیا وار ہی ہورہی ہے،معاملے کا باریک بینی سےجائزہ لےرہے ہیں،وکیل میشا شفیع

sanaullah nagra ثنااللہ ناگرہ منگل اپریل 14:58

علی ظفرکےقانونی نوٹس کا سامنا کرنےکیلئےمیشا شفیع کا وکیل مقرر
لاہور(اُردوپوائنٹ اخبارتازہ ترین۔24 اپریل 2018ء) : اداکارہ میشا شفیع نے گلوکارعلی ظفرکے قانونی نوٹس کا سامنا کرنے کیلئے باضابطہ وکیل کرلیا ہے۔وکیل احمد پنسوتا کا کہنا ہے کہ معاملے کا باریک بینی سے جائزہ لے رہے ہیں،ابھی توسوشل میڈیا وار ہی ہورہی ہے،علی ظفرکے قانونی نوٹس کا جائزہ لے کرقدم اٹھائیں گے۔

(جاری ہے)

انہوں نے نجی ٹی وی سےگفتگو کرتے ہوئے کہا کہ میشا نے آج ہی مجھے باضابطہ وکیل مقررکیا ہے معاملے کا ہرپہلو سے جائزہ لیں گے۔

میشا شفیع کی دوسری وکیل نگہت داد اٹلی میں ہیں۔ میشا شفیع کے وکیل احمد پنسوتا نے کہا کہ میشا شفیع کے الزامات اور علی ظفر کے قانونی نوٹس کے معاملے کا باریک بینی سے جائزہ لے رہے ہیں۔ انہوں نے کہا کہ ابھی توسوشل میڈیا وار ہی ہورہی ہے۔ دوسری طرف سے قانونی معاملہ آئے گا تواس کی روشنی میں لائحہ عمل بنائیں گے۔ وکیل احمد پنسوتا نے مزید کہا کہ دیکھیں گےعلی ظفرکی طرف سے کیا ہوتا ہےاورہمیں کیا کرنا ہے۔

متعلقہ عنوان :