عمران نیازی پانی کا بلبلا ہے،2018ء کے انتخابات میں جعلی خان کے غبارے سے ہوا نکال دیں گے، عمران نیازی اپنی زبان کو کنٹرول میں رکھیں،

شہید محترمہ بینظیر بھٹو کی وصیت قوم کے لئے مشعل راہ ہے پیپلزپارٹی کے سیکریٹری جنرل سید نیر حسین بخاری کا پارٹی کی ممبرسازی مہم کے کیمپ میں کارکنوں سے خطاب

ہفتہ اپریل 22:50

اسلام آباد (اُردو پوائنٹ اخبارتازہ ترین۔ 28 اپریل2018ء) پاکستان پیپلزپارٹی کے سیکریٹری جنرل سید نیر حسین بخاری نے کہا ہے کہ عمران نیازی پانی کا بلبلا ہے۔ 2018ء کے انتخابات میں جعلی خان کے غبارے سے ہوا نکال دیں گے۔ ہفتہ کے روز اسلام آباد میں پارٹی کی ممبرسازی مہم کے کیمپ میں کارکنوں سے خطاب کرتے ہوئے کہا کہ سینیٹ کے انتخابات میں مسلم لیگ(ن)والے پیپلزپارٹی کے امیدواروں کو ووٹ دینے کے لئے منتیں کر رہے تھے۔

انہوں نے کہا کہ عمران نیازی اپنی زبان کو کنٹرول میں رکھیں۔ شہید محترمہ بینظیر بھٹو کی وصیت قوم کے لئے مشعل راہ ہے۔ صدر آصف علی زرداری نے محترمہ بینظیر بھٹو شہید کا بتایا ہوا راستہ اختیار کرکے دہشتگردوں کے خلاف جنگ شروع کی اور سوات میں دوبارہ قومی پرچم لہرایا۔

(جاری ہے)

نیر حسین بخاری نے کہا کہ طالبان کی شکست پر عمران نیازی رنجیدہ ہیں کیونکہ وہ ذہنی طور پر طالبان کے حامی ہیں۔

انہوں نے کہا کہ بلاول بھٹو زرداری کا شاندار خاندانی پس منظر ہے۔ آمریت کے دوران جمہوریت کی بحالی کی جدوجہد میں انہوں نے بھی اپنا حصہ ڈالا۔ انہوں نے کہا کہ عمران نیازی نے کرکٹ میں جوا اور بال ٹمپرنگ کے سوا اور کیا کا م کیا۔ انہوں نے سیاست میں بھی شدت پسندی کو فروغ دیا۔ نیر بخاری نے کہا کہ عمران نیازی تو قومی اسمبلی کی تنخواہ بھی ہلال کرکے نہیں کھاتے۔ وہ تنخواہ اور مراعات تو وصول کرتے ہیں مگر اسمبلی کے اجلاس میں شرکت نہیں کرتے۔ نیر بخاری نے کہا کہ طالبان کو شکست دے دی اب طالبان خان کی باری ہے۔ 2018 کے انتخابات میں جعلی خان کے غبارے سے ہوا نکال دیں گے۔