اسلام آباد،کمپلینٹ دفاتر کی مانیٹرنگ مزید سخت کی جائے،باسط زمان

صارفین کو مہیا کی جانے والی سروسز کے معیار کا باقاعدہ جائزہ لیا جائیگا،آئیسکو چیف

پیر 30 اپریل 2018 23:00

اسلام آباد(اُردو پوائنٹ اخبارتازہ ترین - آن لائن۔ 30 اپریل2018ء) آئیسکو چیف باسط زمان نے کہا ہے کہ کمپلینٹ دفاتر کی مانیٹرنگ مزید سخت کی جائے، صارفین کو مہیا کی جانے والی سروسز کے معیار کا باقاعدہ جائزہ لیا جائیگا ترجمان اسلام آباد الیکٹرک سپلائی کمپنی (آئیسکو) کے مطابق آئیسکو چیف باسط زمان احمد نے فلیڈ دفاتر خاص طور پرسب ڈویژنل دفاتر کے (سرپرائز) دورے شروع کر دئیے ہیں۔

ان دوروں کا مقصد صارفین کو مہیا کی جانے والی سروسز کے معیار کا جائزہ لینا ہے۔

(جاری ہے)

ترجمان کے مطابق آئیسکو چیف نے واضح پیغام کے ذریعے تمام فیلڈ افسران اور عملہ کو تنبیہہ کی ہے کہ صارفین سے کسی قسم کی زیادتی کسی صورت برداشت نہیں کی جائے گئی۔صارفین کی تمام شکایات خاص طور پر بجلی بندش کی شکایات کو ترجیح بنیادوں پر حل کیا جائے آئیسکو چیف نے ایس ڈی او دفاتر کی چیکنگ کے دوران ٹرانسفارمر زریپئرنگ اور کمپلینٹ رجسٹرڈ کو خاص طور پر چیک کیا اور واضح ہدایات جاری کیں کہ ٹرانسفارمرز کا لوڈ بیلنس کیا جائے اور اگر اوورلوڈنگ کی وجہ سے ٹرانسفارمرز کو نقصان ہو اتواس کا ذمہ دار فلیڈ انچارج ہو گا۔

صارفین کے مفادات کا تحفظ ہماری اولین ترجیح ہے جس پر کسی طور سمجھوتہ نہیں کیا جائے گا۔