یونین کونسل چکیسر عبد المنعم کے فنڈ سے واٹر سپلائی سکیم مکمل

پیر 30 اپریل 2018 23:42

شانگلہ۔ (اُردو پوائنٹ اخبارتازہ ترین - اے پی پی۔ 30 اپریل2018ء) ضلع شانگلہ کے دور آفتادہ تحصیل کے یونین کونسل چکیسرمیں صاف پانی کے سکیم کو مکمل کردیا گیا جس کے افتتاح کے موقع پر تحریک انصاف کے سابق رکن صوبائی اسمبلی حاجی المنعم کے بھائی حاجی عبد المولیٰ نے کیا ۔

(جاری ہے)

اس موقع پر یونین کونسل چکیسر کے ناظم شیر علی خان ، مولانا فضل نثار ، طارق محمود خان ، ظہور احمد ، اختر علی چٹان ، منصوبے کے کنٹریکٹر فواد علی نور اور دیگر معززین علاقہ موجوود تھے۔

یاد رہے کہ چکیسر واٹر سپلائی سکیم علاقے کے ایم پی اے حاجی عبد المنعم نے اعلان کیا تھا جس پر بہت کم عرصے میں تعمیراتی کام ہوکر تکمیل تک پہنچایا گیا ۔ چکیسر واٹر سپلائی سکیم کیلئے دور افتادہ علاقہ جوزانوں سے چکیسر تک چونتیس ہزار فٹ کی لائن ڈھائی انچ بچھائی گئی ہے جس کے سٹور کرنے کیلئے بیس ہزار گیلن کا سٹوریج ٹینک بنا دیا گیا ہے اورجس سے آٹھ ہزار ڈسٹریبیوشن لائنیں بچھا دی گئی ہیں ۔