Live Updates

کرکٹ آسٹریلیا نے 2018-19کیلئے ہوم سیریز کے شیڈول کا اعلان کر دیا

آسٹریلیا ہوم سیریز کیلئے جنوبی افریقہ، بھارت اور سری لنکا کی میزبانی کریگا ، 6 ٹیسٹ، 6 ون ڈے اور 4 ٹی ٹوئنٹی میچز کھیلے جائینگے

پیر 30 اپریل 2018 23:45

میلبرن(اُردو پوائنٹ اخبارتازہ ترین - این این آئی۔ 30 اپریل2018ء) کرکٹ آسٹریلیا نے 2018-19کیلئے ہوم سیریز کے شیڈول کا اعلان کر دیا۔آسٹریلیا ہوم سیریز کیلئے جنوبی افریقہ، بھارت اور سری لنکا کی میزبانی کرے گا اور مجموعی طور پر 16 انٹرنیشنل میچز کھیلے جائیں گے جن میں 6 ٹیسٹ، 6 ون ڈے اور 4 ٹی ٹوئنٹی میچز شامل ہیں۔

(جاری ہے)

کرکٹ آسٹریلیا کے مطابق جنوبی افریقین کرکٹ ٹیم ہوم سیریز میں 3 ایک روزہ میچز کی سیریز کھیلے گی جب کہ بھارتی ٹیم 4 ٹیسٹ، 3 ون ڈے اور 3 ٹی ٹوئنٹی میچز کھیلے گی۔

کرکٹ آسٹریلیا کے مطابق سری لنکن کرکٹ ٹیم آسٹریلیا میں دو ٹیسٹ میچز پر مشتمل سیریز کھیلے گی۔میزبان جنوبی افریقی ٹیم 4،9 اور 11 نومبر کو ون ڈے اور 17 نومبر کو ٹی ٹوئنٹی میچ کھیلے گی جب کہ بھارتی ٹیم 21 نومبر سے 18 جنوری تک سیریز کھیلے گی۔