پپو لالہ کار چور گروہ کے دو ارکان گرفتار

پیر اپریل 23:48

گوجرانوالہ ۔ 30اپریل(اُردو پوائنٹ اخبارتازہ ترین۔ 30 اپریل2018ء) سی آئی اے پولیس نے مبارک عرف پپو لالہ کار چور گروہ کے دو ارکان گرفتار کر کے دوران تفتیش ان کے قبضہ سے ایک کار اور ایک کیری ڈبہ برآمد کیا ہے،گرفتار ملزمان میں مبارک شاہ عرف پپو لالہ کا تعلق پشاور جب کہ دوسرے سرگرم رکن طارق بھلر کا تعلق فیروز والا شیخو پورہ سے ہے ۔

(جاری ہے)

پپو لالہ کار چورگروہ کی گرفتاری کے لئے سی آئی اے پولیس کافی عرصہ سے کام کرتے ہوئے سائنسی بنیادوں پر متحرک تھی اور اس کی گرفتاری کے لئے ملحقہ اضلاع سے بھی روابط تھے ، ملزمان کاریں چوری کر کے علاقہ غیر لے جاتے اور چیسیز نمبر تبدیل کر کے فروخت کر دیتے ،ملزمان نے انکشاف کرتے ہوئے کہا کہ وہ لاہور اور گوجرانوالہ میں کار چوری کی متعدد وارداتیں کر چکے ہیں ۔