ملک میں تعلیم کی ترقی کیلئے دوست ممالک سے روابط بڑھانے کی ضرورت ہے‘ ڈاکٹر ناصرہ جبیں

بدھ 2 مئی 2018 17:22

لاہور(اُردو پوائنٹ اخبارتازہ ترین - این این آئی۔ 02 مئی2018ء) وائس چانسلر پنجاب یونیورسٹی پروفیسر ڈاکٹر ناصرہ جبیں نے کہا ہے کہ دوست ممالک کے ساتھ تعلیم کے شعبہ میں تعاون سے نہ صرف دونوں ممالک کے درمیان روابط مضبوط ہوتے ہیں بلکہ دنیا بھر میں پاکسان کا مثبت تشخص بھی اجاگر ہوتا ہے۔ ان خیالات کا اظہار انہوں نے تہران یونیورسٹی ایران سے شعبہ اردو کی استاد ڈاکٹر وفا یزدان منش سے اپنے آفس میں ملاقات کے دوران کیا۔

(جاری ہے)

اس موقع پر رجسٹرار پنجاب یونیورسٹی ڈاکٹر محمد خالد خان، پروفیسر ڈاکٹر زاہد منیر عامرو دیگریونیورسٹی آفیشلز موجود تھے۔ وائس چانسلر ڈاکٹر ناصرہ جبیں نے پنجاب یونیورسٹی میں اردو زبان ادب کے فروغ میں ڈاکٹر زاہد منیر کی خدمات کو سراہتے ہوئے ڈائریکٹر ایکسٹرنل لنکجز کو ہدایت کی کہ وہ ایران کے ساتھ پنجاب یونیورسٹی کے پہلے سے موجودمعاہدے کی تجدید کریں تاکہ اردو پڑھنے کے خواہشمند ایرانی طلبہ ماضی کی طرح پاکستان آسکیں ۔ ڈاکٹر زاہد منیر نے پاکستان اور ایران کے قدیم تاریخی، تہذیبی و ادبی پہلوئوں ، اردو زبان کی تقویت کیلئے فارسی کی اہمیت اور ایران میں اردو پڑھنے والوں کیلئے پاکستانی معاشرے سے تعلق پرسیر حاصل گفتگو کی۔