نیوزی لینڈ کا انگلینڈ، آئرلینڈ کے خلاف ون ڈے سیریز اور سہ ملکی ٹی ٹونٹی سیریز کیلئے ویمن سکواڈ کا اعلان

جمعہ 4 مئی 2018 15:39

ویلنگٹن(اُردو پوائنٹ اخبارتازہ ترین - آن لائن۔ 04 مئی2018ء) نیوزی لینڈ کرکٹ کی سلیکشن کمیٹی نے دورہ انگلینڈ اور آئرلینڈ کیلئے ویمن سکواڈ کا اعلان کر دیا، جیس واٹکن اور سابق جنوبی افریقن کھلاڑی برناڈائن کو ٹیم میں طلب کر لیا، برناڈائن کو چار ون ڈے اور 7 ٹی ٹونٹی میچز میں جنوبی افریقن ٹیم کی نمائندگی کا اعزاز حاصل ہے۔

(جاری ہے)

نیوزی لینڈ ویمن ٹیم انگلینڈ اور آئرلینڈ ویمن کے خلاف ون ڈے انٹرنیشنل سیریز کھیلنے کے ساتھ ساتھ شیڈول سہ ملکی ٹی ٹونٹی سیریز میں بھی شرکت کرے گی۔

اعلان کردہ سکواڈ کپتان سوزی بیٹس، برناڈائن، سوفی ڈیوائن، کیٹ ابراہیم، میڈی گرین، ہولی ہڈلسٹن، ہاولے جینسن، کاسپیرک، آمیلا کیر، کیٹی مارٹن، اینا پیٹرسن، ہانا روو، ایمی سیٹرتھویٹ، لی تاہوو اور جیس واٹکن پر مشتمل ہے۔۔