9 ویں پی ٹی بی ایف رینکنگ ٹین پن بائولنگ چیمپئن شپ 20 نومبر سے کراچی میں شروع میں ہوگی

پیر 13 اکتوبر 2025 16:02

اسلام آباد (اُردو پوائنٹ اخبارتازہ ترین - اے پی پی۔ 13 اکتوبر2025ء) پاکستان ٹین پن بائولنگ فیڈریشن کے زیر اہتمام اور سندھ ٹین پن بائولنگ ایسوسی ایشن کے تعاون سے 9 ویں پی ٹی بی ایف رینکنگ ٹین پن بائولنگ چیمپئن شپ 20 نومبر سے کراچی میں شروع میں ہوگی۔ سندھ ٹین پن بائولنگ ایسوسی ایشن کے صدر علیم آغا نے بتایا کہ پاکستان ٹین پن بائولنگ فیڈریشن کے صدر اعجاز الرحمن نے چیمپئن شپ منعقد کروانے کی منظور دے دی ہے اور ایونٹ کی تیاریاں ابھی سے شروع کر دی گئیں ہیں ۔

ٹورنامنٹ میں ملک بھر سے مرد اور خواتین کھلاڑی حصہ لیں گے ۔

(جاری ہے)

انہوں نے کہا کہ ٹورنامنٹ میں 8 مختلف کیٹگریز کے مقابلے رکھے گئے ہیں جن میں مینز سنگلز ، مینزڈبلز، لیڈیز سنگلز، ایمچور، ڈیف مینز سنگلز، ڈیف لیڈیز سنگلز، ٹیم ایونٹ اورمیڈیا کیٹگریز کے مقابلے شامل ہیں۔ ایونٹس میں شرکت کی خواہش رکھنے والے کھلاڑی اپنے ناموں کی رجسٹریشن یکم سے 14 نومبر صبح دس بجے تک کروا سکتے ہیں۔ ٹورنامنٹ کے ڈراز کا اعلان 18 نومبر کو سہ پہر تین بجے کیا جائے گا۔ٹورنامنٹ کے سیمی فائنل مقابلے 24 نومبر کو جبکہ فائنل مقابلے 25 نومبر کو کھیلے جائیں گے۔ ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔