امریکہ بھارت اسرائیل ملکر پاکستان میں انتشار پیدا کرنا چاہتے ہیں ،

قوم سازش ناکام بنائیگی ‘جے یو آئی (س) انتخابات میں اپنے نظریات سے قریب جماعتوں کی حمایت کریں گے ‘مفتی احمد علی ثانی،مولانا علیم الدین شاکر ،اعظم حسین

جمعہ مئی 16:38

لاہور (اُردو پوائنٹ اخبارتازہ ترین۔ 04 مئی2018ء) جمعیت علمااسلام(س) پنجاب کے امیر مفتی احمد علی ثانی،،لاہور کے امیر مولانا علیم الدین شاکر اورناظم اعلی قاری اعظم حسین نے کہا ہے کہ امریکہ بھارت اسرائیل ملکر پاکستان میں انتشار پیدا کرنا چاہتے ہیں ، پاکستانی قوم باہمی اتحاد سے ان عناصر کو ناکام بنا دے گی ۔

(جاری ہے)

ان خیالات کا اظہار انہوں نے گذشتہ روز شیرانوالہ میں ہونے والے ایک اجلاس کے بعد گفتگو کرتے ہوئے کیا۔

انہوں نے کہا کہ انتخابات میں اپنے نظریات سے قریب جماعتوں کی حمایت کریں گے ، بہت جلد ایک نیا سیاسی مذہبی اتحاد سامنے آئے گا اور اپنے نظریات سے قریب جماعتوں کے ساتھ مل کر انتخابات میں حصہ لیں گے۔ انہوں نے کہا کہ قبائلی عوام کے مسائل حل ہونے چاہئیں لیکن قبائلی عوام کے مسائل کے نام پر پاکستانی پرچم اور وردی کی توہین نہیں کرنے دی جائے گی۔