کوہ موسیٰ مصلیٰ چھڑی کے مقام پر آسمانی بجلی گرنے سے جبوڑی کا رہائشی چرواہا جاں بحق

جمعہ 4 مئی 2018 23:32

مانسہرہ۔ (اُردو پوائنٹ اخبارتازہ ترین - اے پی پی۔ 04 مئی2018ء) کوہ موسیٰ مصلیٰ چھڑی کے مقام پر آسمانی بجلی گرنے سے جبوڑی کا رہائشی چرواہا جاں بحق ہو گیا۔ حادثہ میں سینکڑوں بکریاں ہلاک ہوئیں۔ علیم بکریاں لیکر ٹھنڈے مقام مالیاں کی طرف جا رہا تھا کہ حادثہ کا شکار ہوا۔ نماز جنازہ کی ادائیگی کے بعد آبائی گائوں میتھل میں سپرد خاک کر دیا گیا۔

(جاری ہے)

اس سلسلہ میں ملنے والی معلومات کے مطابق یونین کونسل جبوڑی کے گائوں میتھل کا رہائشی 45 سالہ چرواہا محمد علیم ولد کار خان اپنی بکریال لیکر مالیاں کی طرف جا رہا تھا کہ کوہ موسیٰ کے مقام پر آسمانی بجلی آ گری جس سے وہ موقع پر جاں بحق ہو گیا جبکہ اس کی 200 سے زائد بکریاں بھی ہلاک ہو گئیں۔

مقامی افراد نے موقع پر پہنچ کر مرحوم کی نعش اس کے ورثاء تک پہنچائی۔ مرحوم کی نماز جنازہ گائوں میں ادا کر دی گئی جس میں کثیر تعداد میں لوگوں نے شرکت کی۔