صوبائی حکومت تعلیم کے فروغ ِاور صوبہ بھر میں علم کی رونقیں بڑھانے کے لئے جس بڑے پیمانے پر اقدامات کررہی ہے اس کے مستقبل و قریب میں دور رس نتائج برآمد ہونگے،میر عبدالقدوس بزنجو

طلباء میں علم کی رونق بڑھانے اور ان کی صلاحیتوں میں اضافہ کرنے کی خاطر صوبائی حکومت پورے بلوچستان میں ہزاروں لیپ ٹاپ تقسیم کرچکی ہے ،وزیراعلی بلوچستان

جمعہ مئی 23:09

صوبائی حکومت تعلیم کے فروغ ِاور صوبہ بھر میں علم کی رونقیں بڑھانے کے ..
آواران(اُردو پوائنٹ اخبارتازہ ترین۔ 04 مئی2018ء) وزیراعلیٰ بلوچستان میر عبدالقدوس بزنجو نے کہاہے کہ صوبائی حکومت تعلیم کے فروغ ِاور صوبہ بھر میں علم کی رونقیں بڑھانے کے لئے جس بڑے پیمانے پر اقدامات کررہی ہے اس کے مستقبل و قریب میں دور رس نتائج برآمد ہونگے ، نوجوان نسل کو جدید تقاضوں کے مطابق آراستہ کرنا اور ان میں ٹیکنیکل و ہنرمندی کو اجا گر کرنا وقت کی ضرورت ہے جس کے لئے صوبائی حکومت تمام تر وسائل صرف کررہی ہے ۔

ہماری حکومت جس طرح صوبہ بھر کے طلباء کی حوصلہ افزائی کرکے انہیں لیپ ٹاپ کی سہولت دے رہی ہے یقینا اس سہولت سے طلباء کو بے حد فائدہ پہنچے گا اورا ن کی علمی صلاحیتوں میں اضافہ ہوگا ۔ ان خیالات کا اظہارا نہوںنے اپنے حلقہ انتخاب آواران کے طلباء میں لیپ ٹاپ تقسیم کرنے کی تقریب سے خطاب کرتے ہوئے کہی ۔

(جاری ہے)

اس موقع پر کمانڈنٹ 33ڈویژن میجر جنرل ندیم زکی منج ، بریگیڈیئر حسن افضال ودیگر سیاسی و عسکری آفیسران موجود تھے ۔

ضلع آواران کے مختلف علاقوںنوکجو گجر ،گجلی ،ساکا قلات ،جھائو،ڈنڈار، اور آواران شہر کے 400طلباء میں لیپ ٹاپ تقسیم کیئے گئے ، وزیراعلیٰ بلوچستان میر عبدالقدوس بزنجو کاوزارت کا منصب سنبھالنے کے بعد اپنے حلقہ انتخاب کا یہ دوسرا دورہ تھا ۔ جہاں انہوںنے اسٹوڈنٹس کی حوصلہ افزائی کرتے ہوئے ان میں چار سو لیپ ٹاپس تقسیم کیئے ۔ وزیراعلیٰ بلوچستان میر عبدالقدوس بزنجو کا کہنا تھا کہ طلباء میں علم کی رونق بڑھانے اور ان کی صلاحیتوں میں اضافہ کرنے کی خاطر صوبائی حکومت پورے بلوچستان میں ہزاروں لیپ ٹاپ تقسیم کرچکی ہے اور آج یہاں آواران کی طلباء کی حوصلہ افزائی کرتے ہوئے ان میں لیپ ٹاپ تقسیم کیئے جارہے ہیں ، انہوںنے کہاکہ اس سہولت کو دینے کا مقصد فروغ تعلیم میں اضافہ کرنا اور طلباء کی حوصلہ افزائی کرنا ہے ۔

انہوںنے کہاکہ ناخواندگی کا خاتمہ ہمارا مشن ہے رواں سال کے بجٹ میں بھی ہم نے تعلیم کوسب سے زیادہ فوقیت دیکر اس شعے کے لئے رقم مختص کی ہیں ۔اس موقع پر خطاب کرتے ہوئے کمانڈ نٹ 33ڈویژن میجر جنرل ندیم زکی منج نے کہاکہ پاک آرمی حکومت کے ساتھ مل کر عوام کی فلاح وبہبود اور ان کی خوشحالی کے لئے اقدامات کررہی ہے ۔۔بلوچستان کو اللہ تعالیٰ نے بے شمار وسائل دیئے ہیں صوبے کے عوام کو ان وسائل کا بھر پور فائدہ ملے گا ، سی پیک کا مرکز بلوچستان ہے سی پیک پراجیکٹ کا سب سے زیادہ فائدہ بلوچستان کے عوام ملے گا اور اس کے بعد اس منصوبے سے دیگر صوبے فائدہ حاصل کرسکیں گے ۔

انہوںنے کہاکہ صوبے کے طلباء کولیپ ٹاپ دیکر ان کی حوصلہ افزائی کی جارہی ہے ۔ اس سہولت سے طلباء فائدہ اٹھائیں ، طلباء اپنی تمام ترتوجہ علم حاصل کرنے پر مرکوز کردیں نئی نسل لکھ پڑھ کر ملک و قوم کی خدمت میں اپنا حصہ شامل کریں ،جب ہماری نئی نسل تعلیم یافتہ بنے گی تو اس سے ملک ترقی کرے گا اور بلوچستان صوبے سے ناخواندگی کا خاتمہ ممکن ہوسکے گا ،