مریم اورنگزیب کی اسلام آباد میں صحافیوںپر تشدد کے واقعے کی شدید مذمت

میڈیا سے بدسلوکی قابل قبول نہیں، آزادی اظہار پر کامل یقین رکھتے ہیں ،میڈیا کی آزادی اور صحافیوں کے حقوق کے تحفظ کے لیے ان کے شانہ بشانہ کھڑی ہوں۔وفاقی وزیر اطلاعات

جمعہ 4 مئی 2018 23:30

اسلام آباد(اُردو پوائنٹ اخبارتازہ ترین - آن لائن۔ 04 مئی2018ء) وفاقی وزیر اطلاعات و نشریات مریم اورنگزیب نے اسلام آباد میں پولیس کی جانب سے صحافیوںپر تشدد کے واقعے کی شدید مذمت کرتے ہوئے کہا کہ واقعہ کی مکمل تحقیقات کرا کے ذمہ داروں کے خلاف کارروائی کی جائے گی،میڈیا سے بدسلوکی قابل قبول نہیں، آزادی اظہار پر کامل یقین رکھتے ہیں ۔میڈیا کی آزادی اور صحافیوں کے حقوق کے تحفظ کے لیے ان کے شانہ بشانہ کھڑی ہوں۔

تفصیلات کے مطابق وفاقی وزیر اطلاعات و نشریات مریم اورنگزیب نے ااپنی یک بیان میں کہا کہ صحافی برادری سے بدسلوکی قابل قبول نہیں اور میڈیا کی آزادی اور صحافیوں کے حقوق کے تحفظ کے لیے ان کے شانہ بشانہ کھڑی ہوں۔انہوں نے کہا کہ آزادی صحافت ایک لگڑری یا چوائس نہیں بلکہ یہ تمام جدید معاشروں کی بنیاد ہے۔

(جاری ہے)

وفاقی وزیر اطلاعات نے کہا کہ آزادی صحافت کے موجودہ چیلنجز اور خطرات بے شمار ہیں، کچھ بنیادی ڈھانچے، کچھ ذاتی یا ادارے اور کچھ تغیراتی ہیں۔

ان کا کہنا تھا کہ ان تمام مسائل اور خطرات سے نبرد آزما ہونے کے لیے جمہوری قوتوں، سول سوسائٹی، میڈیا کے نمائندگان اور تنظیموں کی باہمی شراکت ضروری ہے۔ صرف متحدہ کاوشوں سے ہی آزادی صحافت کے دشمنوں کو شکست دی جاسکتی۔مریم اورنگزیب نے اسلام آباد میں صحافیوں سے بدسلوکی کے واقعے کی شدید مذمت کی اور یقین دلایا کہ واقعہ کی مکمل تحقیقات کرا کے ذمہ داروں کے خلاف کارروائی کی جائے گی۔