پی ٹی آئی منظم انداز میں عام انتخابات کی تیاریاں کر رہی ہے،عبدالعلیم خان

پیر 7 مئی 2018 22:56

لاہور۔07مئی(اُردو پوائنٹ اخبارتازہ ترین - اے پی پی۔ 07 مئی2018ء) پاکستان تحریک انصاف وسطی پنجاب کے صدر عبدالعلیم خان نے کہا ہے کہ پی ٹی آئی2013کے مقابلے میں زیادہ منظم انداز میں عام انتخابات کی تیاریاں کر رہی ہے اور سابقہ غلطیوں کو درست کرتے ہوئے ٹف ٹائم دیں گے۔

(جاری ہے)

عبدالعلیم خان نے یہاں چیئرمین سیکرٹریٹ میں قومی و صوبائی اسمبلی کے امیدواروں کے انٹر ویو کے موقع پر میڈیا سے گفتگو کرتے ہوئے کہا کہ اب تک عمران خان سمیت کسی کو کوئی ٹکٹ نہیں دیا گیا آن لائن درخواستیں موصول ہونے کے بعد ہر ریجن میں انٹر ویوز کا سلسلہ شروع ہو رہا ہے جس کے بعد ٹکٹوں کا حتمی فیصلہ پارٹی کا پارلیمانی بورڈ کرے گا ،عبدالعلیم خان نے بتایا کہ ٹکٹوں کی تقسیم کے معاملات کو سلجھانے کیلئے میاں افضل حیات کی سربراہی میں سینئر رہنماؤں پر مشتمل 10رکنی مصالحتی کمیٹی تشکیل دے دی گئی ہے جو حلقہ وار سامنے آنے والی شکایات کا جائزہ لے گی۔

تحریک انصاف کے مرکزی نائب صدر محمد شعیب صدیقی،سابق جنرل سیکرٹری پی ٹی آئی لاہورمیاں افتخار اور رانا ندیم بھی اس موقع پر موجود تھے۔