فہیم اشرف اور امام الحق کا آئرلینڈ کے خلاف تاریخی ٹیسٹ میں ڈیبیو

ہفتہ 12 مئی 2018 17:47

ڈبلن ۔ (اُردو پوائنٹ اخبارتازہ ترین - اے پی پی۔ 12 مئی2018ء) پاکستانی کرکٹرز فہیم اشرف اور امام الحق نے آئرلینڈ کے خلاف تاریخی کرکٹ ٹیسٹ میچ میں ڈیبیو کر لیا، اشرف اور امام ٹیسٹ ڈیبیو کرنے والے بالترتیب 230ویں اور 231ویں پاکستانی کھلاڑی بن گئے۔

(جاری ہے)

تفصیلات کے مطابق پاکستان اور آئرلینڈ کے درمیان واحد ٹیسٹ 11 مئی سے شروع ہونا تھی لیکن پہلے روز کا کھیل بارش کی نذر ہو گیا تھا جس کی وجہ سے ٹاس بھی نہیں ہو سکا تھا، دونوں ٹیموں کے درمیان ٹیسٹ کا آغاز گزشتہ روز ہوا، اس ٹیسٹ میں دو پاکستانی کھلاڑیوں فہیم اشرف اور امام الحق نے ڈیبیو کیا اور اس کے ساتھ ساتھ آئرلینڈ نے بھی کیریئر کا پہلا ٹیسٹ کھیلنے کا اعزاز حاصل کیا۔