متحدہ مجلس عمل کا انتخابات میں اخراجات کے بے دریغ استعمال پر الیکشن کمیشن اور نیب سے نوٹس لینے کا مطالبہ

الیکشن کمیشن قوانین بنانے کا ہی نہیں بلکہ اس پر عمل درآمد کرانے کا بھی پابند ہی'(آج (مینار پاکستان پر تاریخ ساز جلسہ کیا جائیگا ' لیاقت بلوچ کی پر یس کانفر نس

ہفتہ مئی 19:56

لاہور(اُردو پوائنٹ اخبارتازہ ترین۔ 12 مئی2018ء) متحدہ مجلس عمل نے انتخابات میں اخراجات کے بے دریغ استعمال پر الیکشن کمیشن اور نیب سے نوٹس لینے کا مطالبہ کر تے ہوئے کہا ہے کہ الیکشن کمیشن قوانین بنانے کا ہی نہیں بلکہ اس پر عمل درآمد کرانے کا بھی پابند ہی'آج (اتوار) مینار پاکستان پر تاریخ ساز جلسہ کیا جائیگا ۔ تفصیلات کے مطابق مینار پاکستان میں ایم ایم اے کے جلسے کے انتظامات کا جائزہ لینے کے بعد پریس کانفرنس سے خطاب کرتے ہوئے سیکرٹر ی جنرل ایم ایم اے لیاقت بلوچ نے کہا کہ سیاسی جماعتیں اربوں روپے خرچ کرکے انتخابی مہم میں قوانین کی دھجیاں بکھیرتے ہیں۔

انتخابات 2018 میں الیکشن کمیشن سے انتخابی نشان کتاب لینے کے لیے تیاریاں مکمل کرلی گئی ہیں۔ ایم ایم اے دینی طبقوں کے لیے ہوا کا تازہ جھونکا اور مینار پاکستان پر کل تاریخ ساز جلسہ ہوگا انہوں نے کہا کہ سیاست اور ریاست میں تصادم ہے، دینی جماعتوں کے اتحاد کا جلسہ سیاست میں توازن پیدا کرے گا ۔

(جاری ہے)

مینار پاکستان میں انتخابی حکمت عملی کا اعلان، رمضان المبارک میں عوامی رابطہ مہم اور ملک گیر جلسوں کا اعلان کیا جائے گا۔انہوں نے بارہ مئی کو کراچی سانحہ کا چیف جسٹس کی جانب سے ازخود نوٹس لینے کا خیر مقدم کیا، ان کا کہنا تھا کہ ریاست کے ہر ادارے کو قانون کے دائرے میں رہتے ہوئے کام کرنا چاہیے۔