رمضان المبارک کے دوران500 سٹی وارڈنز ٹریفک پولیس کی مدد کریں گے ،میئر کراچی
واٹر بورڈ اور کے الیکٹرک شہریوں کو پانی اور بجلی کی بلا تعطل فراہمی یقینی بنائے تاکہ روزے داروں کو کسی تکلیف کا سامنا نہ کرنا پڑے،وسیم اختر کا اجلا س سے خطاب
منگل 15 مئی 2018 16:53
(جاری ہے)
رمضان المبارک کے انتظامات کیلئے مختلف شہری محکمے فوکل پرسن نامزد کریں تاکہ باہمی رابطے میں آسانی رہے، واٹر بورڈ اور کے الیکٹرک شہریوں کو پانی اور بجلی کی بلا تعطل فراہمی یقینی بنائے تاکہ روزے داروں کو کسی تکلیف کا سامنا نہ کرنا پڑے، سڑکوں پر ٹریفک کی روانی برقرار رکھنے کے لئے تجاوزات ہٹائی جائیں اور چارجڈ پارکنگ کے نظام کو موثر بنایا جائے، کار ڈیلرز اور شو رومز مالکان کو پابند بنایا جائے کہ فٹ پاتھ اور سڑکوں پر گاڑیاں کھڑی نہ کریں، رمضان کے دوران ٹریفک پولیس اور سٹی وارڈنز زیادہ تعداد میں سڑکوں پر نظر آئیں تاکہ لوگوں میں اچھا پیغام جائے اگر اس ایک ماہ کے دوران ایمانداری سے عوام کو سہولت فراہم کریں تو یہ شہر کی بڑی خدمت ہوگی ، ان خیالات کا اظہار انہوں نے منگل کی صبح اپنے دفتر میں منعقد ہونے والے اعلیٰ سطحی اجلاس کی صدارت کرتے ہوئے کیا جس کے دوران رمضان المبارک میں سڑکوں اور شاہراہوں پر ٹریفک کی روانی برقرار رکھنے اور شہریوں کو سہولت فراہم کرنے کے حوالے سے بنائے گئے پلان کا تفصیلی جائزہ لیا گیا اس موقع پر چیئرمین بلدیہ شرقی معید انور، وائس چیئرمین بلدیہ وسطی سید شاکر علی، ایڈیشنل ڈپٹی کمشنر ویسٹ سمیع اللہ خان، ایس ایس پی سائوتھ ٹریفک عبداللہ احمد،ایس ایس پی ویسٹ آصف احمد، ایس ایس پی کورنگی ذوالفقار مہر،ایس پی ٹریفک صدر توقیر نعیم ،ڈی ایس پی جمشید ٹائون رحیم شاہ، ڈی ایس پی گلبرگ وجاہت حسین، ڈی آئی جی سائوتھ کے نمائندے شیراز نذیر، ڈائریکٹر ٹیکنیکل ٹو میئر ایس ایم شکیب، سینئر ڈائریکٹر اینٹی انکروچمنٹ بشیر صدیقی، ڈائریکٹر چارجڈ پارکنگ عبدالخالق اور دیگر افسران بھی موجود تھے، میئر کراچی وسیم اختر نے کہا کہ شہر کے مختلف اضلاع میں ایسے مقامات کی نشاندہی کی جائے جہاں رمضان کے دوران ٹریفک جام رہنے کی شکایات آتی ہیں، خاص طور پر کاروباری مراکز کے اطراف خصوصی توجہ دی جائے اور کسی بھی قسم کی تجاوزات سڑکوں کے گرد قائم نہ ہونے دی جائیں، ٹریفک پولیس رمضان کے مہینے میں طارق روڈ، صدر، حیدری، لیاقت آباد، واٹر پمپ، کریم آباد، سخی حسن اور دیگر مقامات پر ٹریفک کی روانی برقرار رکھنے کے لئے ہر ممکن اقدامات کرے، انہوں نے ہدایت کی کہ نمازیوں کی سہولت کے لئے مساجد اور تراویح کے مقامات پر اسٹریٹ لائٹس روشن رہنی چاہئیں، متعلقہ محکمہ اس سلسلے میں فوری اقدامات کرے ، انہوںنے کہا کہ تمام اضلاع اپنے اپنے علاقے کی ضروریات سے آگاہ کریں تاکہ رمضان کے دوران وہاں سٹی وارڈنز اور دیگر عملے کی تعیناتی کی جاسکے، رمضان المبارک میں چارجڈ پارکنگ کے شعبے کو زیادہ فعال کرنے کی ضرورت ہے تاکہ غلط پارکنگ کی وجہ سے ٹریفک جام کے مسائل پیدا نہ ہوں، میئر کراچی وسیم اختر نے کہا کہ رمضان المبارک کے دوران سڑکوں پر ٹریفک کی روانی کو برقرار رکھنے کے لئے شہر کے مختلف علاقوں میں اہم سڑکوں ، شاہراہوں ، شاپنگ سینٹرز ، مساجد ، نماز ترویح کی جگہوں پر سٹی وارڈنز تعینات کئے جائیں گے جبکہ افطار اور ترویح کے اوقات میں اہم مساجد کے قریب شہریوں کا تحفظ یقینی بنانے اور انہیں ہر طرح کی معاونت مہیا کرنے کے لئے سٹی وارڈنز دستیاب ہوں گے ، انہوں نے کہا کہ رمضان المبارک کے دوران سٹی وارڈنز کی سڑکوں اور دیگر مقامات پر تعیناتی کا مقصد بہتر ٹریفک مینجمنٹ اور وہیکل پارکنگ کو یقینی بناتے ہوئے ٹریفک کیلئے کھلا اور ہموار راستہ بنانا ہے تاکہ ٹریفک میں خلل پڑنے اور غلط پارکنگ کی وجہ سے پیدا ہونے والے مسائل سے شہریوں کو بچایا جائے، انہو ںنے شہریوں سے اپیل کی کہ سٹی وارڈنز سے تعاون کریں، ٹریفک قوانین کی پابندی کریں اور غلط مقامات پر پارکنگ سے گریز کریں، انہوں نے کہا کہ بلدیہ عظمیٰ کراچی کی پوری کوشش ہے کہ رمضان المبارک میں شہریوں کو بہتر سہولیات فراہم کی جائیں دیگر متعلقہ ذمہ داراداروں سے مستقل رابطے میں ہیں اور ہماری کوشش ہے کہ شہریوں کو بلدیاتی سہولیات بہتر طریقے سے فراہم کی جاسکیں۔
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.