آفتاب احمد شیرپائو کا فاٹا تک اعلیٰ عدلیہ کی توسیع کیلئے نوٹیفکیشن کے اجراء کا مطالبہ

منگل 22 مئی 2018 14:27

آفتاب احمد شیرپائو کا فاٹا تک اعلیٰ عدلیہ کی توسیع کیلئے نوٹیفکیشن ..
اسلام آباد ۔ (اُردو پوائنٹ اخبارتازہ ترین - اے پی پی۔ 22 مئی2018ء) قومی وطن پارٹی کے سربراہ آفتاب احمد شیرپائو نے فاٹا تک اعلیٰ عدلیہ کی توسیع کے لئے نوٹیفکیشن کے اجراء کا مطالبہ کیا ہے۔

(جاری ہے)

منگل کو قومی اسمبلی میں آفتاب احمد خان شیرپائو نے نکتہ اعتراض پر کہا کہ وہ کیپٹن (ر) صفدر کی بات کی تائید کرتے ہیں کہ ایئرپورٹ بننے چاہئیں، ریلوے میں صرف پشاور تک ٹریک باقی ہے، باقی بند ہوگئے ہیں، بجلی اور گیس وافر مقدار میں ہے لیکن ہمارا ترسیلی نظام اتنا خراب ہے کہ ہمیں جو بجلی دی جاتی ہے وہ اسے سہارا نہیں دے سکتی۔

اس کی وجہ سے لائن لاسز ہو رہے ہیں اور پھر چوری کے الزامات عائد کئے جاتے ہیں۔ اسی طرح گیس کی صورتحال بھی خراب ہے۔ انہوں نے کہا کہ چھ ماہقبل پارلیمان نے فاٹا تک اعلیٰ عدلیہ کی توسیع کا بل پاس کرلیا ہے لیکن اس کا نوٹیفکیشن اب تک نہیں ہوا۔ اگر اس طرح حکومت چلانی ہے تو ہمیں قابل قبول نہیں ہے۔ ہمارا مطالبہ ہے کہ لاء ڈیپارٹمنٹ کو نوٹیفکیشن کے جلد اجراء کے لئے کام کرنا چاہتے ہیں۔