سردار حسین بابک کا سکھ رہنما چرن جیت سنگھ کے قتل پر دکھ و افسوس کا اظہار

بدھ 30 مئی 2018 21:31

پشاور(اُردو پوائنٹ اخبارتازہ ترین - آئی این پی۔ 30 مئی2018ء) عوامی نیشنل پارٹی کے صوبائی صدر امیر حیدر خان ہوتی اور جنرل سیکرٹری سردار حسین بابک نے سکھ رہنما چرن جیت سنگھ کے قتل پر دکھ اور افسوس کا اظہار کرتے ہوئے ان کے اہل خانہ سے دلی ہمدردی کا اظہار کیا ہے۔

(جاری ہے)

اپنے بیان میں پارٹی رہنماؤں نے آنجہانی چرن جیت کے قتل کو بہیمانہ فعل قرار دیا اور کہا کہ چرن جیت سنگھ بابو نے زندگی بھر اقلیتی برادری کے حقوق کے تحفظ ، مذہبی ہم آہنگی کے فروغ اور دہشت گردی کے خلاف بہت کام کیا ہے ، انہوں نے آنجہانی کے خاندان سے ہمدردی کا اظہار کرتے ہوئے ان کے صبر جمیل کیلئے دعا کی ۔