سپریم کورٹ میں زیر التواء مقدمات کی تعداد 39ہزار سے تجاوز کر گئی

پیر 11 جون 2018 20:10

اسلام آباد (اُردو پوائنٹ اخبارتازہ ترین۔ 11 جون2018ء) سپریم کورٹ میں زیر التواء مقدمات کی تعداد 39ہزار سے تجاوز کر گئی ، رواں سال میں زیر التواء مقدمات کی تعداد میں 12سو مقدمات کا اضافہ ہوا ۔

(جاری ہے)

زیر التواء مقدمات سے متعلق پندرہ روزہ رپورٹ کے مطابق اکتیس مئی تک سپریم کورٹ آف پاکستان میں زیر التواء مقدمات کی تعداد انتالیس ہزار پانچ سو پچیس تک پہنچ گئی ہے جبکہ اٹھائیس فروری تک زیر التواء مقدمات کی تعد اد اٹھتیس ہزار تین سو بیالیس تھی ، رپورٹ کے مطابق سولہ مئی سے اکتیس مئی تک سپریم کورٹ نے چار سو بیس مقدمات نمٹائے جبکہ نو اٹھتر نئے مقدمات کا اندارج ہوا سولہ مئی تک زیر التواء مقدمات کی تعداد اٹھتیس ہزار نو سو پیسنٹھ تھی ، سولہ مئی سے اکتیس مئی تک سپریم کورٹ میں زیر التواء مقدمات میں چھ سو مقدمات کا اضافہ ہوا