آرمی چیف جنرل قمر جاوید باجوہ سرکاری دورے پر پولینڈ پہنچ گئے ،ْ وزیر دفاع اور نائب وزیر سے ملاقاتیں

بدھ 20 جون 2018 19:20

راولپنڈی (اُردو پوائنٹ اخبارتازہ ترین - این این آئی۔ 20 جون2018ء) آرمی چیف جنرل قمر جاوید باجوہ سرکاری دورے پر پولینڈ پہنچ گئے ہیں ۔آئی ایس پی آر کے مطابق آرمی چیف نے دورہ پولینڈ کے دوران وہاں کے وزیردفاع اور نائب وزیر سے ملاقاتیں کیں ۔

(جاری ہے)

جنرل قمر جاوید باجوہ نے پولینڈ کی عسکری قیادت سے بھی الگ الگ ملاقاتیں کیں،اس دوران علاقائی سیکورٹی ،دفاعی تعاون اور باہمی دلچسپی کے امور پر تبادلہ خیال کیا گیا ۔آئی ایس پی آر کے مطابق آرمی چیف نے پوزنان میں لینڈ فورسز ٹریننگ سینٹر ، ملٹری ایوی ایشن ورکس اوروارسا میں پولش آرمامنٹ گروپ کا بھی دورہ کیا ۔آئی ایس پی آر کے مطابق پولینڈ پہنچنے پر آرمی چیف کو مسلح افواج کے دستے نے گارڈ آف آنر پیش کیا۔