تھا نہ گولڑہ کے علاقے میں قتل،اقدام قتل،اغواء،ڈکیتی،چوری، منشیات فروشی،سٹریٹ کرائم اور کار چوری کی وارداتوں میں اضافہ، شہری عدم تحفظ کا شکار
جمعرات 21 جون 2018 21:31
(جاری ہے)
انسپکشن کے دوران تھانہ گولڑہ کی حدود میں رہنے والے متعدد شہریوں نے بتایا کہ اس علاقے میں سٹریٹ کرائم کی وارداتیں تو روزانہ کا معمول بن چکی ہیں جبکہ پولیس کو اہل علاقہ کی جانب سے متعدد بار درخواستیں دی گئیں مگر کوئی خاص کاروائی عمل میں نہیں لائی گئی ۔
تھانہ گولڑہ کے علاقے میں منشیات فروشوں نے اپنے مضبوط ڈیرے بنا رکھے ہیں جہاں سے ہر قسم کی منشیات چرس ،شراب اور افیون کی فروخت سر عام کی جاتی ہے جب کہ سب سے گندا نشہ جو کہ پاوڈر کا ہے اس کی فروخت بھی کھلے عام کی جاتی ہے اور شام کا سورج ڈھلتے ہی پوڈریوں کے گروہ باہر نکل آتے ہیں اور ان ناجائز فروشوں سے پاوڈر کی پڑیاں خریدنے کے بعد کہیں بھی بیٹھ جاتے ہیں جبکہ مقامی پولیس سب کچھ جاننے کے باوجود کوئی کاروائی نہیں کرتی ۔ معلوم ہوا ہے کہ وفاقی دارلحکومت کے متعدد تعلیمی اداروں کے طلباء کو بھی منشیات سپلائی کرنے والوں کی اکثریت ای الیون شاہ اللہ دتہ،ایف بارہ،جی تیرہ اور جی چودہ کے علاقوں میں ہے ۔ رپورٹ کے مطابق تھانہ کی حدود میںقائم ایف بارہ کا علاقہ منی علاقہ غیر کی حیثیت اختیار کر چکا ہے جہاں پر ہر قسم کی منشیات اور شراب فروشی کا کاروبار سرعام کیا جاتا ہے اور یہاں پر جعلی شراب تیار کر تے ہوئے جعلی لیبل لگا کر دو نمبر شراب کو ایک نمبر بنا کر فروخت کیا جاتا ہے۔اس حوالے سے گزشتہ ماہ گولڑہ پولیس کے ایک سب انسپکٹر نے جعلی شراب کا بڑے پیمانے پر کاروبار کرنے والے شراب فروش ملک یاسر کے ڈیرے پر چھاپہ مار کر اس کے دو ملازمین کو شراب کی بھاری مقدار سمیت گرفتار بھی کیا تھا اور اس مقدمہ میں سب انسپکٹر نے ملک یاسر کے خلاف مقدمہ بھی درج کیاتھا تاہم ملزم کی ایس ایچ او گولڑہ سے خاص قربت کی بنا پر آج تک ملزم کو گرفتار نہیں کیا گیا ۔زرائع نے بتایا کہ اس علاقے میں خواتین سمیت بچے بھی منشیات اور شراب فروشی کرتے ہیں جبکہ تھانہ ہذا کی پولیس مبینہ طور پر اپنا حصہ وصول کر کے مکمل آشیر باد دئے ہوئے ہے ۔سٹریٹ کرائم کی وارداتوں کے حوالے سے معلوم ہوا ہے کہ تھانہ گولڑہ کے علاقے میں دن دیہاڑے مسلح افراد کسی بھی شہری کو گن پوائنٹ پر نشانہ بنا کر لوٹ لیتے ہیں جبکہ رات کے وقت تو تھانہ ہذا کی حدود میں سے گزرنا ڈکیتوں کو خود دعوت دینے کے برابر ہے ۔زرائع نے بتایا کہ مقامی پولیس کے چند اہلکاروں نے جرائم پیشہ افراد سے مبینہ ملی بھگت کر رکھی ہے جس کی وجہ سے جرائم پیشہ افراد کے خلاف کاروائیاں نہیں کی جاتیں جبکہ تھانے کی حدود میں قائم لاکھوں نفوس کی آبادی میں جرائم پر قابو پانے کے لئے ایس ایچ او سمیت 49کا نسٹیبل،13ہیڈ کانسٹیبل،15اے ایس آئی اور 6سب انسپکٹر ز کو تعینات کیا گیا ہے ۔دوران انسپکشن گفتگو کرتے ہوئے ایک پولیس زرائع نے بتایا کہ تگڑی سفارش پر تعینات ہونے والے ایس ایچ او گولڑہ سب انسپکٹر عبدالرزاق نے تھانے کو مکمل طور پر وی آئی پی کلچر دیتے ہوئے کاروباری مرکز بنا دیا ہے جبکہ منشیات کے بڑے ڈیلروں کے ساتھ مبینہ ملی بھگت کر کے آشیر باد بھی دے رکھی ہے۔ تھانہ گولڑہ میں مال مقدمہ میں بند درجنوں گاڑیاں اور موٹر سائیکل ایک عرصہ سے ایک ہی جگہ پر کھڑے رہنے کے باعث زنگ آلودہ ہو چکے ہیں جبکہ مذکورہ تھانے میں تعینات پولیس اہلکاروں نے گاڑیوں کے قیمتی پارٹس اتار کر فروخت کر ڈالے ہیں جس کی وجہ سے گاڑیاں و موٹر سائکلیں کچرے کے ڈھیر میں تبدیل ہو چکے ہیں ۔۔۔۔۔اس حوالے سے جب ایس ایچ او گولڑہ سب انسپکٹر عبدالرزاق سے رابطہ کیاگیا تو انہوں نے کہا کہ میں تھانہ سے باہر ہوں اور کرائم ریٹ مجھے یاد نہیں تھانہ جا کر چیک کر کے بتا سکتا ہوں جبکہ جعلی شراب اور منشیات فروشوں کے حوالے سے انہوں نے کہا کہ اس پر کاروائیاں جاری ہیں جبکہ ملک یاسر کے حوالے سے وہ کوئی جواب نہ دے سکے ۔۔۔۔۔مزید قومی خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.