اٹک‘ کرنل (ر) شجاع خانزادہ کی سیٹ PP-2 پر مسلم لیگی امیدوارکا الیکشن جیتنے کیلئے عمران خان کو انوکھا چیلنج

ضلعی صدر پی ٹی آئی کی جگہ چنگیز خان کو مضبوط امیدوار کے طور پر ن لیگ کے مقابلہ میں اتارا گیا ، ہمارے مقابلہ میں تو عمران خان خود بھی کمزور امیدوار ہیں چھچھ مسلم لیگ(ن) کا گڑھ ہے ، قومی و صوبائی کی دونوں سیٹیں جیتیں گے ، سابق وزیر کھیل کا بیان، ن لیگ پی ٹی آئی کے مضبوط امیدوار چنگیز خان سے خوفزدہ ہے ، مبصرین

ہفتہ جون 22:48

حضرو /چھچھ(اُردو پوائنٹ اخبارتازہ ترین۔ 23 جون2018ء) سابق وزیر داخلہ پنجاب کرنل(ر) شجاع خانزادہ کے بیٹے سابق وزیر کھیل مسلم لیگ(ن) کے نامزد امیدوار حلقہ پی پی 2 جہانگیر خانزادہ نے اپنے مقابلے الیکشن لڑنے کیلئے چیئرمین پی ٹی آئی عمران خان کو چیلنج کر دیا، قاضی احمد اکبر کمزورتھا تو مضبوط امیدوار چنگیز خان میدان میں اتار دیا ، عمران خان خود بھی آ جائیں تو یہ سیٹ مسلم لیگ(ن) ہی جیتے گی، لیگی امیدوار کا کارکنوں سے خطاب، تفصیلات کے مطابق صوبائی حلقہ پی پی 2میں پی ٹی آئی کی طرف سے کرنل(ر) شجاع خانزادہ کے بیٹے سابق سپورٹس منسٹر پنجاب جہانگیر خانزادہ لیگی امیدوار کے مقابلہ میں پی ٹی آئی کی طرف سے ضلعی صدر قاضی احمد اکبر کوکمزور جان کر مضبوط امیدوار کے طور پر چنگیز خان کو ٹکٹ دیکر نون لیگ کا مقابلہ کرنے کی خبروں پر جہانگیر خانزادہ نے سخت رد عمل دیا ہے ، سوشل میڈیا پر جاری ایک بیان کے مطابق جہانگیر خانزادہ نے کہا کہ میرے مد مقابل پی ٹی آئی کے قاضی احمد اکبر کمزور امیدوار تھے اور پی ٹی آئی قیادت یہ سیٹ جیتنا چاہتی ہے جس کیلئے انہوں نے اپنے سروے اور رپورٹس کے مطابق مضبوط امیدوار چنگیز خان کو ٹکٹ دیا ہے مگر ہم کہتے ہیں کہ اس سیٹ پر چیئرمین پی ٹی آئی عمران خان خود بھی مسلم لیگ(ن) کے مقابلہ میں کمزور امیدوار ہیں ، ہم قومی و صوبائی اسمبلی کی دونوں سیٹیں پی ٹی آئی سے آسانی سے جیت کر ثابت کرینگے کہ چھچھ مسلم لیگ(ن) کا گڑھ ہے ، چھچھ بھر میں جہانگیر خانزادہ کا یہ بیان زیر بحث ہے ، ادھر سیاسی مبصرین اور صحافتی حلقوں کا کہنا ہے کہ جب سے پی ٹی آئی نے PP-2کا ٹکٹ قاضی احمد اکبر سے واپس لیکر چنگیز خان کو دینے کا فیصلہ کیا ہے تب سے مسلم لیگی نون کے امیدواروں کی نیندیں حرام ہو چکی ہیں کیونکہ چنگیز خان کے مضبوط ووٹ بنک سے نہ صرف وہ صوبائی اسمبلی کی اپنی سیٹ باآسانی جیت سکتے ہیں بلکہ قومی اسمبلی کی نشست پر اپنے پینل کی جیت کا سبب بن سکتے ہیں ، میجر (ر) طاہر صادق پہلے ہی مضبوط امیدوار قومی اسمبلی پر پی ٹی آئی کے ٹکٹ سے موجود ہیں چنگیز خان کو ٹکٹ ملنے کی اطلاعات پر پی ٹی آئی کارکنان نے اطمینان کا اظہار کرتے ہوئے ن لیگ کو کھلا چیلنج دیا تھا کہ چنگیز خان صوبائی اسمبلی کی سیٹ آرام سے جیت جائیں گے جس سے نون لیگ اضطراب کا شکار نظر آتی ہے ۔