بھارت نے 176 پاکستانی زائرین کو حضرت امیر خسرو کے عرس کی سالانہ کیلئے ویز ے جاری کردئیے

جمعہ 29 جون 2018 20:36

اسلام آباد (اُردو پوائنٹ اخبارتازہ ترین - آن لائن۔ 29 جون2018ء) بھارت نے 176 پاکستانی زائرین کو حضرت امیر خسرو کے عرس کی سالانہ تقریب میں شرکت کیلئے ویز ے جاری کردئیے ۔

(جاری ہے)

بھارتی ہائی کمیشن سے اہم ذرائع کے مطابق پاکستان میں تعینات بھارتی ہائی کمشنر اجے بساریہ کی کوششوں سے بھارتی وزارت خارجہ نے پاکستانی زائرین پر غیراعلانیہ پابندیاں ختم کرتے ہوئے حضرت امیر خسرو کی سالانہ تقریبات کیلئے 176پاکستانی زائرین کو ویزے جاری کرنے کا فیصلہ کیا ہے۔

واضع رہے کہ حضرت امیرخسروکے عرس کی سالانہ تقریبات کا آغازگزشتہ روز28 جون سے نئی دہلی میں ہوچکا ہے اور یہ تقریبات 5 جولائی تک جاری رہے گی۔ اس سے قبل بھارتی سفارتخانے نے رواںسال کے اوائل میں حضرت نظام الدین اولیا اورمارچ میں خواجہ معین الدین چشتی کے عرس میں شرکت کے لیے پاکستانی زائرین کو ویزے جاری نہیں کیے تھے۔