الیکشن کمیشن نے مریم نوازکے متبادل امیدواروں کوشیرکانشان دےدیا

میاں محمد ندیم منگل 10 جولائی 2018 16:33

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔10جولائی۔2018ء) الیکشن کمیشن نے این اے127،پی پی173لاہورسے مریم نوازکے متبادل امیدواروں کوشیرکانشان دےدیا ہے۔ذرائع کے مطابق الیکشن کمیشن نے نون لیگ کی درخواست منظور کرتے ہوئے این اے127سےعلی پرویز،پی پی 173عرفان کھوکھر شیر کے نشان پرالیکشن لڑیں گے جبکہ این اے 146 پاکپتن سے رانا ارادت شریف کو بھی شیر کا نشان دے دیا گیا۔

تینوں حلقوں کے فارم 33 کے نظر ثانی کی منظوری بھی دے دی گئی۔چیف الیکشن کمشنر کی صدارت میں5رکنی الیکشن کمیشن بنچ نے سماعت کی، سماعت میں نون لیگ کے وکلاءپیش ہوئے۔نون لیگ کے وکیل نے کہا کہ مریم نواز کی نااہلی کے بعد متبادل امیدواروں کو شیر کا نشان دیا جائے، الیکشن ایکٹ کی شق4کی سب سیکشن 3 کے تحت متبادل امیدوارکوپارٹی نشان دیاجائے۔

(جاری ہے)

نون لیگ کے وکیل نے عدالت میں استدعا کی کہ دونوں حلقوں سے مریم نواز کے متبادل امیدواروں کے نام فارم 33 میں موجود ہیں،الیکشن کمیشن دونوں حلقوں کے فارم 33 پر نظر ثانی کرے۔

ممبر سندھ الیکشن کمیشن نے ریمارکس دیئے کہ فارم 33 کو کب تک تبدیل کرتے رہیں؟یکم جولائی سے بیلٹ پیپرز کی چھپائی جاری ہے،واٹر مارک بیلٹ پیپرز بہت مہنگے ہیں، ہائیکورٹس یہ نہیں پوچھتیں دوبارہ بیلٹ پیپرزچھاپنے سے کمیشن پرکتنابوجھ پڑتاہے۔چیف الیکشن کمشنر نے مزید کہا کہ اگر یہ سلسلہ چل پڑا تو چھپائی نہیں ہوسکے گی،ایک دو فیصلے ایسے ہوئے تو بیلٹ پیپرز ختم ہوجائیں گے۔ نون لیگ کی درخواست منظور کرتے ہوئے این اے127سےعلی پرویز،پی پی 173عرفان کھوکھر شیر کے نشان پرالیکشن لڑیں گے جبکہ این اے 146 پاکپتن سے رانا ارادت شریف کو بھی شیر کا نشان دے دیا گیا۔تینوں حلقوں کے فارم 33 کے نظر ثانی کی منظوری بھی دے دی گئی۔