خیبر پختو نخوا کے نگران وزیر برائے مواصلات کا خیبر ٹیچنگ ہسپتال کے نو تعمیر شدہ نو منزلہ ایکسیڈنٹ اینڈ ایمرجنسی ڈپیارٹمنٹ کا دورہ

منگل 17 جولائی 2018 20:04

پشاور(اُردو پوائنٹ اخبارتازہ ترین - این این آئی۔ 17 جولائی2018ء) خیبر پختو نخوا کے نگران وزیر مواصلات اور ممتا ز ما ہر امراض چشم ریٹا ئرڈ پرو فیسر ڈاکٹر محمد داود نے خیبر ٹیچنگ ہسپتا ل کے نو تعمیر شدہ نو منزلہ ایکسیڈنٹ اینڈ ایمرجنسی ڈپیارٹمنٹ کا دورہ کیا۔ بلڈنگ میں مختلف شعبوں کے آٹھ آپریشن تھیٹر موجود ہیں۔ اس مو قع پر ہسپتال کے ڈائریکٹر ڈاکٹر نیک داد خان میڈیکل ڈائریکٹر پروفیسر ڈاکٹر روح المقیم ،سینئر میڈیا اینڈ پروٹوکول منیجر ، سی اینڈ ڈبلیو ڈیپارٹمنٹ کے سینئر آفسران ،سپرینڈنٹ انجئنئر محمد نواز اورایکسین جمشید خٹک سمیت دیگر آفسران بھی موجود تھے۔

نو تعمیر شدہ نومنزلہ ایکسیڈنٹ اینڈ ایمر جنسی ڈیپارٹمنٹ 326بستروں پر مشتمل ہے اور یہ ڈیپا رٹمنٹ بہت جلد مریضوں کے زیر استعمال لایا جایا گا۔

(جاری ہے)

اس کی تعمیر پر 1317.072ملین روپے خرچہ آیا ہے جبکہ دیگر ضروریات جس میں مشینری وآلات وغیرہ جشا مل ہیں کے لئے 2714.000ملین روپے منظور ہو چکے ہیں۔اس موقع پر ہسپتال کے میڈیکل ڈائریکٹر پروفیسر ڈاکٹر روح المقیم اور ہسپتال ڈائریکٹر ڈاکٹر نیک داد خان نے وزیر مواصلات کوموجود بلڈنگ کے لئے علحیدہ نیاسیورج لائن اور بجلی کا دومتبادل لائن کا احتمام کر نے اور متعلقہ محکمو ں سے متعلق دوسے حل طلب مسا ئل سے وزیر مو صو ف کے نو تس میں لا ئے۔

بریفنگ کے بعد انھوں نے نو منزلہ عمارت کا دورہ کیا اور اس بلڈنگ کے لئے ایک الگ مینٹنس اور رپیر سیکشن کے قیا م اور مریضوں کی آسانی کے لئے پارکنک ایریا میں یو ٹرن بنا نے ، بند گیٹ کو کھولنے سمیت دیگر ضروری احکامات جاری کر دیئے۔آخر میں انھوں نے صوبائی حکومت سے درخواست کر دی کہ اس نو تعمیر شدہ ایکسیڈنٹ اینڈ ایمرجنسی ڈیپارٹمنٹ کو استعمال میں لانے کے لئے اور مریضوں کے بہتری کے لئے جلد سے جلد فنڈ مہیاء کی جائے ۔