معروف اداکارہ شوہر کے بد ترین تشدد کا نشانہ بن گئیں،زخمی اداکارہ کی ویڈیو وائرل

پشاور (اردو پوائنٹ تازہ ترین اخبار۔03 اگست 2018ء) خیبرپختونخوا میں فن سے وابستہ خواتین پر تشدد کے واقعات تھم نہ سکے۔ایک اور گلوکارہ شوہر کے تشدد کا نشانہ بن گئیں۔میڈیا رپورٹس کے مطابق پشتو کی معروف گلوکارہ اور اداکارہ نیلم گل شوہر کے تشدد کا نشانہ بن گئیں۔ نیلم گل کو شوہر نے مبینہ طور پر تشدد کر کے شدید زخمی کر دیا۔ نیلم گل کی زخمی حالت میں فوٹیج سوشل میڈیا پر وائرل ہو گئی۔

نیلم گل کا کہنا ہے کہ ساری عمر شوہر کو پیسہ کما کر دیا۔اب وہ مجھے غلط کاموں پر مجبور کرتا ہے۔وہ مجھے 7 سال سے تشدد کا نشانہ بنا رہا ہے۔آج میری جو بھی حالت ہے وہ میرے شوہر کی وجہ سے ہے۔

میری بہن کا شوہر بھی تشدد کا نشانہ بناتا ہے۔نیلم گل کا کہنا ہے کہ مجھے انصاف چاہئیے۔

(جاری ہے)

میڈیا رپورٹس کے مطابق .خیبر پختونخوا میں پچھلے کئی سالوں سے فن سے وابستہ خواتین کو اپنے گھر والوں کی جانب سے تشدد کا نشانہ بنایا گیا۔

پشتو گلوکارہ ایمن اداس، غزالہ جاوید، عرشی، سنبل، انوش، ریشم اور دیگر کئی نامور گلوکاروں اور فنکاروں کو جان سے مارا گیا.رونما ہونے والے واقعات میں ایف آئی آر تو درج ہوتی ملزموں کو قرار واقع سزائے نہیں دی جاتی۔ابھی دو روز قبل ہی ہرہ کے علاقے وتڑ میں پشتو کی مشہور گلو کارہ ریشم خان کو اپنے شوہر نے ساتھی کے ساتھ ملکر وتڑ میں اپنے گھر میں اندھا دھند فائرنگ کرکے قتل کردیا تھا۔

ملزمان ارتکاب جرم کے بعد فرار ہوگئے ملزم دوبئی میں سی ڈی ڈراموں اور ہوٹل ریسٹونٹ کاروبار کرتا ہے اور مقتولہ ریشم خان کے ساتھ شادی ایک سال قبل ہوئی تھی۔خیبر پختونخوا میں فن سے وابستہ خواتین کے ساتھ اس طرح کے واقعات کا پیش آنا بہت افسوسناک ہے۔نیلم گل کی ویڈیو بھی سوشل میڈیا پر وائرل ہو گئی ہے اور سوشل میڈیا صارفین نے نیلم گل کے شوہر پر لگائے گے الزامات کی تحقیق کر کے انہیں کڑی سزا دینے کا مطالبہ بھی کیا ہے۔