رانا ثنا اللہ کی نا اہلی کے لیے دائر درخواست ناقابل سماعت قرار دے کر مسترد

منگل 7 اگست 2018 22:10

لاہور (اُردو پوائنٹ اخبارتازہ ترین - آن لائن۔ 07 اگست2018ء) لاہور ہائیکورٹ نے این اے 106 فیصل آباد سے (ن) لیگ کے نومنتخب ایم این اے رانا ثنا اللہ کی نا اہلی کے لیے دائر درخواست ناقابل سماعت قرار دے کر مسترد کر دی ۔ جسٹس شمس محمود مرزا نے پی ٹی آئی کے ڈاکٹر نثار احمد کی درخواست پر سماعت کی ۔ درخواست میں رانا ثناء اللہ کی نا اہلی کی استدعا کی گئی ہے۔

درخواست میں وفاقی حکومت ،الیکشن کمیشن پاکستان اور راناثناء اللہ کو فریق بنایا گیا ہے۔

(جاری ہے)

درخواست گزار کا موقف تھا کہ رانا ثناء اللہ نے قادیانیوں کے بارے متنازعہ بیان دیا ،رانا ثناء اللہ نے میاں نواز شریف کے استقبال کرنے کو حج کرنے کے مترادف قرار دیا۔رانا ثناء اللہ اپنی قومی اسمبلی کی رکنیت قائم کرنے کے اہل نہیں رہے۔ آئین کے آرٹیکل 62 (ڈی) کے تحت رانا ثنا اللہ اسمبلی کی رکنیت کیاہل نہیں رہے۔ این اے 106 سے رانا ثناء اللہ کو دھاندلی سے کامیاب کامیاب قرار دیا گیا ، درخواست میں استدعا کی گئی تھی کہ عدالت رانا ثناء اللہ کو ایم این اے کے لیے نا اہل قرار دے ۔