عامر لیاقت کے پارٹی میں اختلافات سنگین،پارٹی کا آفیشل واٹس ایپ گروپ چھوڑدیا

بدھ 29 اگست 2018 19:13

کراچی(اُردو پوائنٹ اخبارتازہ ترین - آن لائن۔ 29 اگست2018ء) پی ٹی آئی رہنماء عامر لیاقت کے پارٹی میں اختلافات سنگین ہوگئے۔ انھوں نے پی ٹی آئی کا آفیشل واٹس ایپ گروپ چھوڑدیا۔پی ٹی آئی رہنمااوررکن قومی اسمبلی عامرلیاقت کے اپنے پارٹی سے تنازعات شدت اختیار کرگئے۔ رکن اسمبلی کے اجلاس میں گورنر ہاؤس نہ بلانے پرانھوں نے پاکستان تحریک انصاف سندھ آفیشل وٹس ایپ گروپ کوچھوڑدیا۔

ایک آڈیوپیغام میں عامر لیاقت پی ٹی آئی رہنماؤں پر پھٹ پڑے کہ ہربار شور کیوں مچانا پڑتا ہے۔

(جاری ہے)

انھوں نے آڈیوپیغام میں انتخابی جیت پرتنبیہ بھی کردی۔تحریک انصاف کے وزرا نے معاملہ ڈسپلنری کمیٹی کو بھجوانے کا مطالبہ کردیا ہے جبکہ کچھ نے گروپ چھوڑنے پر سکون کا سانس لیا۔عامر لیاقت نے گذشتہ روز کہاتھاکہ کراچی میں عمران خان کی وجہ سے پی ٹی آئی نہیں جیتی جبکہ انھوں نے عمران خان کے وزیراعظم بننے کے بعداب تک کراچی نہ آنے پرتنقید بھی کی تھی۔پی ٹی آئی کے نامزدصدارتی امیدوار عارف علوی نے کہا ہے کہ اگر عامر لیاقت کوکوئی شکایت تھی تو انھیں پارٹی کے چئیرمین سے بات کرنی چاہئے تھی۔