پاکستان ریلوے کا تین نئی ٹرینیں چلانے کا فیصلہ
پاکستان ریلوے شیخ کی ہٹی نہیں قوم کا ادارہ ہے لوگوں کو بہتر سہولیات دینے کا عزم کررکھا ہے،وزیرریلوے پاکستان ریلویزکو 23ہزار ملازمین کی اشد ضرورت ہے،وزیراعظم سے اجازت لے کر میرٹ پر بھرتیاں کی جائینگی،لاہور سے کراچی جزوی ہیڈ کوارٹرز منتقل کریں گے، شیخ رشید کی صحافیوں سے گفتگو
ہفتہ 22 ستمبر 2018 21:48
(جاری ہے)
انہوں نے مزید کہا کہ پاکستان ریلویزکو 23ہزار ملازمین کی اشد ضرورت ہے فی الحال دس ہزار ملازمین کو وزیراعظم پاکستان عمران خان سے اجازت لے کر میرٹ پر بھرتی کریں گے۔
وزیر ریلویز نے ملازمین کی بھرتی پر بات کرتے ہوئے کہا کہ ریلوے میں گارڈز اور ڈرائیورز کی کمی کو پورا کرنے کے لیے ترجیحی بنیادوں پر بھرتی کریں گے اور حاضری بہتربنانے کے لیے بائیو میٹرک حاضری کا نظام متعارف کروائیں گے۔وفاقی وزیر نے کہا کہ گولڑہ ریلوے میوزیم کو فوڈ سٹریٹ اور پکنک سپاٹ بنانے کے لیے پرائیویٹ سیکٹر کو دعوت دیں گے ۔انہوںنے کہا کہ ٹرینوں اور اسٹیشنوں پر وائی فائی کے لیے پرائیویٹ پارٹنرشپ کے تحت بہتر کام کے لیے میرٹ پر ٹینڈر کریں گے۔ ایم ایل ون کے حوالے سے بات کرتے ہوئے وفاقی وزیر نے کہا کہ ایم ایل ون اورایم ایل ٹو ریلوے کی ریڑھ کی ہڈی ہے یہ دونوں ہماری ترجیحات میں شامل ہیں۔ ایم ایل ون سی پیک کا حصہ ہے اور اس منصوبے سے ٹرین کی سپیڈ کو 160کلومیٹر فی گھنٹہ کی رفتارتک ہوجائے گی۔وزیر ریلویز شیخ رشید احمد نے خوشحال خان ایکسیڈنٹ کے حوالے سے کہا کہ اس ٹرین کے حادثے کے حوالے سے کمیٹی تشکیل دے دی گئی ہے جو 30 ستمبر تک حادثے کی رپورٹ پیش کرے گی۔ وزیر ریلوے نے ریلوے میں سرمایہ کاری کے حوالے سے بات کرتے ہوئے کہا کہ سرمایہ کار کسی بھی وقت ریلوے میں آ سکتے ہیںاور ریلوے کی ترقی میں اپنا کردار ادا سکتے ہیں۔ہم نے سرمایہ کاری کے حوالے سے اہم کمیٹی بنائی ہے جس میں کمیٹی ممبران ہر جمعرات کو دوگھنٹے لاہور ہیڈکوارٹر ز میں بیٹھیں گے اس دوران سرمایہ دار افسران سے ملاقات کرکے اپنی تجاویز دے سکتے ہیں۔ آئی ٹی ڈیپارٹمنٹ نے اس حوالے سے اپنی ویب سائٹ بھی بنالی ہے جس سے سرمایہ کار براہِ راست بھی رابطہ کرسکتے ہیں ۔ وزیر ریلویز شیخ رشید احمد نے کہا کہ ریلوے اسٹیشنوں پر صاف پانی کی فراہمی کے لیے فلٹریشن پلانٹ اور ایکسیلیڑلگانے کے حوالے سے ٹینڈر آئندہ ماہ کھولے جائیں گے۔انہوںنے مزید کہا کہ لاہور سے کراچی جزوی ہیڈ کوارٹرز منتقل کریں گے۔ پارسل اور گڈزٹرین کی کارکردگی کو سراہتے ہوئے وزیر ریلویز نے کہا کہ اس میںریلوے کو بہت کامیابی ملی ہے ۔ انہوں نے کہا کہ خالی ٹرین کہیں نہیں جائے گی بلکہ آدھی قیمت پر بھی ٹرین سے سامان کی ترسیل کریں گے۔ ریلوے میںجدید نظام کے تحت بجلی کی کھپت کی مانیٹرنگ کریں گے تاکہ پتاچل سکے کہ کتنی بجلی استعمال ہوئی ہے۔ پاکستان ریلوے شیخ کی ہٹی نہیں قوم کا ادارہ ہے لوگوں کو بہتر سہولیات دینے کا عزم کیا ہے۔انہوں نے کہا کہ ریلوے کے دو تین پلاٹ فروخت کرنے جارہے ہیں جس کا فیصلہ وزیر اعظم پاکستان کریں گے، ا نہیں فروخت کرکے ریلوے کو اپنے پائوں پر کھڑا کیا جائے گا۔ خسارے پر بات کرتے ہوئے وزیر ریلویز کا کہنا تھا کہ پاکستان ریلوے کو اس وقت 38ارب روپے کے خسارے کا سامنا ہے اور پچیس ارب روپے قرض ہے۔ پنشن کانظام بہتر ہوا ہے پنشنرز کی تعدادایک لاکھ سینتیس ہزار سے کم ہو کر ایک لاکھ انیس ہزارپر آگئی ہے۔ پنشنزز کی سہولت کے لیے ہر ممکن اقدامات اٹھائے جائیں گے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.