وزیراعظم عمران خان کا حالیہ دورہ چین کامیاب رہا، افتخار درانی

وزیراعظم کے معاون خصوصی برائے میڈیا امور کی نجی ٹی وی چینل سے بات چیت

جمعرات 15 نومبر 2018 02:10

اسلام آباد ۔ (اُردو پوائنٹ اخبارتازہ ترین - اے پی پی۔ 15 نومبر2018ء) وزیراعظم کے معاون خصوصی برائے میڈیا امور افتخار درانی نے وزیراعظم عمران خان کے حالیہ دورہ چین کو کامیاب قرار دیا ہے۔

(جاری ہے)

نجی ٹی وی چینل سے بات چیت کرتے ہوئے انہوں نے کہا کہ چین پاکستان کا ہر آزمائش پر پورا اترنے والا دوست ہے اور دونوں ممالک کے درمیان بڑے اچھے تعلقات ہیں۔ انہوں نے مزید کہا کہ وزیراعظم کے دورہ چین میں باہمی دلچسپی کے کئی امور پر تبادلہ خیال کیا گیا۔ انہوں نے سپرنٹنڈنٹ آف پولیس طاہر خان ڈاور کے قتل پر گہرے دکھ اور افسوس کا اظہار کرتے ہوئے اس المناک واقعہ کی شدید مذمت کی۔ انہوں نے کہا کہ قتل کی تحقیقات کے بعد تمام حقائق عوام کے سامنے لائے جائیں گے۔