حیات آباد میں دوکانوں کے کرایوں کا نظام یونیورسٹی آف پشاور کے طرز پر کیا جائے‘ عمران خان سالارزئی

پیر 19 نومبر 2018 15:36

پشاور(اُردو پوائنٹ اخبارتازہ ترین - اے پی پی۔ 19 نومبر2018ء) پشاور ڈویلپمنٹ اتھارٹی حیات آباد کے عوام کو ریلیف دینے کے بجائے مہنگائی کو بڑھا رہی ہے ‘یہ بات پاکستان تحریک انصاف کے رہنما اور نائب ناظم حیات آباد عمران خان سالارزئی نے کہی۔

(جاری ہے)

انہوں نے کہاکہ حیات آباد میں دوکانوں کو بولی کے ذریعے کر ایہ پر دینے سے مہنگائی مزید بڑھے گی جس مارکیٹ کا اوسط کرایا 25,30 ہزار تھا اب وہ ایک لاکھ اور ایک لاکھ بیس تک پہنچ گیا جس کا براہ راست اثر مہنگائی کی صورت میں عوام پر پڑھے گا۔ انہوں نے وزیر اعلیٰ اوروزیر بلدیات سے مطالبہ کیا کہ دوکانوں کے کرایوں کا نظام یونیورسٹی آف پشاور کے طرز پر بنایا جائے تاکہ عوام کو ریلیف مل سکے۔