پنجاب میں اینٹی سموگ کمپین اور اربن فاریسٹری شروع کرنے کا فیصلہ

لاہور(این این آئی صوبائی وزیر جنگلات وائلڈ لائف وفشریز محمد سبطین خان کی زیر صدارت اجلاس محکمہ جنگلات میں منعقد ہوا۔اجلاس میں سیکرٹری جنگلات محمد آصف،ڈپٹی سیکرٹری محمد شاہد،چیف کنزرویٹر سجاد حسین شیرازی سمیت محکمہ جنگلات اوروائلڈ لائف وفشریز کے اعلی افسران نے شرکت کی۔سیکرٹری فاریسٹ محمد آصف نے صوبائی وزیر کو 100روزہ پلان پر محکمہ کارکردگی پربریفنگ دی۔

اجلاس میں پنجاب میں اینٹی سموگ کمپین شروع کرنے کا فیصلہ،اربن فاریسٹری شروع اور ڈسٹرکٹ میں اوسطا بڑے سائز کے اڑھائی ہزار پودے شہروں میں لگائے جائیں گے۔575690پودے سال2019اور 1566539بڑے سائز کے پودی2020تک پنجاب کے تمام شہروں میں لگائے جائیں گے۔اوسطا40ہزارپودے ہر شہرمیں لگائے جائیں گے اور بڑے شہروں میں پودوں کی تعداد کو مزید بڑھایا جائے گا۔

(جاری ہے)

محکمہ جنگلات جی آئی ایس لیب کے ذریعے اس پراجیکٹ کی مانیٹرنگ کر ے گا۔اجلاس سے خطاب کرتے ہوئے صوبائی وزیر نے کہا کہ پودوں کی نگہداشت پر خصوصی توجہ دی جائے۔سموگ ایک بہت اہم اور گھمبیر مسئلہ ہے جس نے دنیا کے اکثر شہروںکو اپنی لپیٹ میں لے رکھا ہے۔سموگ اور ماحولیاتی آلودگی سے نمٹنے کے لئے شجرکاری بہت اہم کردارادا کر سکتی ہے۔صوبہ میں سبز انقلاب لانا ہمارا مقصد ہونا چاہیے۔

صوبائی وزیر نے کہا کہ تبدیلی عوام کو نظر آنی چاہیے ہم نے ملک کر پوی محنت اور ایمانداری کے ساتھ اس مقصد کے لئے آگے چلنا ہے۔انہوں نے لکڑی چوری اور درختوںکے کٹنے کے واقعات پر بھی تشویش کا اظہار کیا اور ہدایات جاری کیں کہ ذمہ داران کے خلاف سخت سے سخت کارروائی عمل میں لائی جائے ۔اس سلسلے میں کسی قسم کی کوتاہی برداشت نہیں کی جائے گی۔