وزیراعظم نے اسلام آباد پولیس کے لئے شہداء معاونت پیکج متعارف اور صحت انصاف کارڈ کی فراہمی کی منظوری دیدی

اسلام آباد انتظامیہ ، سی ڈی اے اور اسلام آباد پولیس کو بھر پور تعاون سے بڑے لینڈ مافیا کے خلاف کارروائیاں جاری رکھنے کی ہدایات تعلیمی اداروں کے سربراہان اور والدین کو منشیات کے خلاف مہم کی کامیابی پر اعتماد میںلیا جائے، عمران خان کو اسلام آباد پولیس کی کارکردگی اوراسے جدید پولیس فورسز میں منتقل کرنے کے حوالے سے بریفنگ

جمعرات 13 دسمبر 2018 23:27

اسلام آباد(اُردو پوائنٹ اخبارتازہ ترین - آن لائن۔ 13 دسمبر2018ء) وزیراعظم عمران خان نے اسلام آباد پولیس اہلکا ر وں کے لئے ملک کے دیگر حصوں کی طرح شہداء معاونت پیکج متعارف کرانے کی منظوری دیدی ہے وزیراعظم نے پولیس اہلکاروں کی صحت کی ضروریات کو پورا کرنے کے لئے صحت انصاف کارڈ کی فراہمی کی بھی منظوری دیدی ہے ۔

(جاری ہے)

تفصیلات کے مطابق وزیراعظم نے اسلام آباد پولیس کی کارکردگی اوراسیجدید پولیس فورسز میں منتقل کرنے کے حوالے سے ایک بریفنگ کی صدارت کی اس موقع پر وزیر خزانہ اسد عمر ، وزیر مملکت داخلہ شہریار خان آفریدی وزیراعظم کے مشیر علی نواز اعوان رکن پارلیمنٹ خرم شہزاد نواز ، سیکرٹری داخلہ میجر ریٹائرڈ اعظم سلیمان خان ، سیکرٹری اسٹبلیشمنٹ ، چیف کمشنر ، آئی جی اسلام آباد اور سینئر ارکان بھی موجود تھے آئی جی اسلام آباد عامر زوالفقار نے وزیراعظم کو اسلام آباد پولیس کی کارکردگی سے متعلق بریف کیا اور وزیراعظم کی جانب سے خدمات کی فراہمی میں بہتری اور وفاقی دارالحکومت کے شہریوں کو سیکیورٹی کی فضاء فراہم کرنے کے حوالے سے ہدایات کی روشنی میں کیے گئے مختلف اقدامات پر بھی روشنی ڈالی انہوں نے فورسز کی کارکردگی میںمزید بہتری لانے اور اسلام آبادپولیس کو ملک کی جدید فورسز بنانے کے حوالے سے درپیش انتظامی ، قانونی ، مالیاتی اور انسانی وسائل سے متعلق مختلف مسائل کو بھی اجاگر کیا عامر ذوالفقار خان نے وزیراعظم کو منشیات ، لینڈ مافیا کے خلاف کریک ڈاؤن اور انسداد تجاوزات آپریشن میں پیش رفت سے بھی آگاہ کیا اس موقع پر امن و امان برقرار رکھنے اور دارالحکومت کی سیکیورٹی کو یقینی بنانے کے حوالے سے اسلام آباد پولیس کی کوششیوں کو سراہا اور ہدایات جاری کی کہ اسلام آباد پولیس کی ضروریات کو پورا کرنے کے لئے ایک جامع منصوبہ پیش کیا جائے انہیں یقین دلایا کہ حکومت اسلام آباد پولیس کو عوام کی خدمت اور ایک ماڈل پولیس فورسز کے طور پر ابھرنے کے ان کے مشن میں ہر ممکن طور پر تعاون فراہم کرے گی وزیراعظم نے آئی ٹی خدمات کو بھی سراہا جو کہ اسلام آبا دپولیس کی جانب سے متعارف کرائی گئیں ہیں ڈرگ مافیا ، خاص طور پر تعلیمی اداروں میں منشیات کی فروخت کے حوالے سے جاری مہم پر بات کرتے ہوئے وزیراعظم نے ہدایت جاری کی کہ تعلیمی اداروں کے سربراہان اور والدین کو منشیات کے خلاف مہم کی کامیابی پر اعتماد میںلیا جانا چاہئے لینڈ مافیا ور انسداد تجاوزات آپریشن کے حوالے سے وزیراعظم نے اسلام آباد انتظامیہ ، سی ڈی اے اور اسلام آباد پولیس کے درمیان بھر پور تعاون کی ہدایت جاری کی اور بڑے لینڈ مافیا کے خلاف کارروائیاں جاری رکھنے کو کہا جنہوں نے وفاقی دارالحکومت پر قبضے جما رکھے ہیں۔