لاہور ، معروف اسلامی سکالر مورخ اسلام ڈاکٹر الیاس فیصل نے باقاعدہ اسباق پڑھانے کا آغاز کردیا

ہفتہ 12 جنوری 2019 22:51

لاہور (اُردو پوائنٹ اخبارتازہ ترین - آن لائن۔ 12 جنوری2019ء) لاہور کی معروف دینی درسگاہ جامعہ فتحیہ میں معروف اسلامی سکالر مورخ اسلام ڈاکٹر الیاس فیصل نے باقاعدہ اسباق پڑھانے کا آغاز کردیا ہے بخاری شریف کی کتاب التفسیر اور دیگر اسباق پڑھائیں گے انہوں نے تدریس کے دوران قرآن کریم کی تفسیر اور احکام قرآنی اور اس کی روشنی میںقوموں کے عروج وزوال پر تفصیل سے روشنی ڈالی انہوں نے کہا کہ قرآن کریم ضابطہ حیات اور انسانیت کی بھلائی کی بہترین کتاب ہے مسلمانوں کے زوال اور پستی کی وجہ قرآن کریم سے دوری ہے دوبارہ عزت وعظمت حاصل کرنے کے لئے قرآن کریم پر عمل پیرا ہونا ہوگاانہوں نے کہا کہ آسمانی کتابوں میں قرآن کریم آج بھی محفوظ ہے اور قیامت تک اس میں کوئی ردوبدل نہیں کرسکتا کیونکہ اللہ تعالیٰ نے خود اس کی حفاظت کی ذمہ داری اٹھائی ہے اس موقع پر جامعہ کے ناظم تعلیمات مولانا عبداللہ مدنی ،کوالٹی منیجر مولانااحمد الراعی،مولانا عمران طارق ،مولانا یوسف خان ،قاری محمد قاسم بلوچ،مولانا آصف جمال اور دیگر بھی موجود تھے۔