تحریک انصاف عوام سے جھوٹ بول کر اپنے نعرے سے یوٹرن لے رہی ہے ‘عزیز الرحمن چن

آئی ایم ایف سے نرم شرائط پر قرضہ حاصل کرنے کے دعوے جھوٹے ثابت ہو رہے ہیں‘صدر پیپلز پارٹی لاہور

جمعہ 15 فروری 2019 12:59

تحریک انصاف عوام سے جھوٹ بول کر اپنے نعرے سے یوٹرن لے رہی ہے ‘عزیز الرحمن ..

لاہور (اُردو پوائنٹ اخبارتازہ ترین - این این آئی۔ 15 فروری2019ء) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ تحریک انصاف عوام سے جھوٹ بول کر اپنے نعرے سے یوٹرن لے رہی ہے عمران خان متعدد بار کہہ چکے ہیں کے وہ عوام کے ساتھ جھوٹ نہیں بولیں گے جبکہ آئی ایم ایف سے نرم شرائط پر قرضہ حاصل کرنے کے دعوے جھوٹے ثابت ہو رہے ہیں۔

(جاری ہے)

یہاں سے جاری ایک بیان میں انہوں نے کہا کہ کڑی شرائط پر حاصل ہونے والے قرضے سے بجلی مزید 30 فیصد مہنگی ہو گی اور مہنگائی کا جن بھی عوام کا کھائے گا۔

آئی ایم ایف سے آئندہ ماہ ہونے والے سمجھوتے سے پہلے حکومت کو شرائط میں تبدیلی کے لئے مزید گفت و شنید کرے انہوں نے کہا سعودی عرب، متحدہ عرب امارات، چین اور قطر سے ملنے والے قرضوں کے باوجود آئی ایم ایف کے پاس جانے سمجھ سے بالاتر ہے۔ اپنے چھ ماہ کے دورِ اقتدار میں قرضوں کے بھرمار عمران خان کے دعوئوں کی نفی ہے۔ وزیر اعظم انتخابی مہم میں قرضے نہ لینے کے دعوے کر چکے ہیں۔ جبکہ اب قرضے حاصل کر کے حکومت شادیانے بجاتی نظر آتی ہے۔