گیس چوری کیلئے سخت اقدامات کیے جائینگے ،ہر ریجن میں پولیس سٹیشن کے قیام پر بھی غور کر رہے ہیں‘غلام سرور خان
گیس کی قیمت بڑھانے کی وجہ کمپنی کا 157 ارب خسارہ ہے ،ہم نہیں چاہتے یہ کمپنی بھی سٹیل مل اور پی آئی اے کی طرح ہوجائے سلیپ ریٹ میں تبدیلی کے باعث عوام کو زیادہ بل آ رہے ہیں، اس حوالے سے انکوائری جاری ہے،ماہ کے اختتام تک تمام انکوائری رپورٹ وزیراعظم کو پیش کر دی جائیں گی‘وفاقی وزیر پیٹرولیم کی سوئی ناردرن گیس کمپنی ہیڈ کوارٹر میں پریس کانفرنس
پیر 25 فروری 2019 19:16
(جاری ہے)
اس موقع پر ایم ڈی سوئی ناردرن گیس کمپنی عامر طفیل سمیت دیگر افسران بھی موجود تھے ۔وزیر پیٹرولیم غلام سرور خان نے کہاکہ کچھ جگہوں پر گیس لیک ہوتی ،کچھ جگہوں پر فنی خرابی ہوتی ہے اور کچھ جگہوں پر گیس چوری ہوتی ہے۔پچھلے چند سالوں میں لاسز بہت زیادہ بڑھ رہے ہیں ،سوئی ناردرن کے لاسز تقریباً 11فیصد فیصد اور سوئی سدرن کے لاسز 13 فیصد تک ہیں۔
اوگرا ریگولیٹری اتھارٹی ہے اور اس نے دونوں کمپنیوں کو 7 فی صد کا ٹارگٹ دیا ہے،کمپنیز کے لاسز جس ریشو سے بڑھ رہے ہیں اسی ریشو سے کمی کرنا ہوگی۔انہوں نے کہا کہ گیس چوری اور لاسز سے دونوں کمپنیوں کو مجموعی طور پر 48 بلین کا نقصان برداشت کرنا پڑتا ہے،چوری کے حوالے سخت اقدامات کیے جائیں گے اور جہاں جہاں سسٹم میں لیکیج ہے اس کو بھی ختم کیا جائے گا۔انہوں نے کہا کہ خیبر پختونخواہ کے علاقوں میں گیس زیادہ ضائع ہو رہی ہے اور یہی مسائل بلوچستان میں ہیں،بلوچستان اور خیبر پختونخواہ کی حکومتوں سے بات چیت ہوئی ہے تاکہ گیس کو ضائع ہونے سے بچایا جاسکے۔7فی صد یو ایف جی کرنا تو مشکل ہے لیکن کوشش کررہے ہیں کہ 11اور 13فی صد سے کم کریں ۔انہوں نے کہا کہ گیس چوری روکنے کے لیے کام کیا گیا مگر میں مطمئن نہیں ہوں۔ہم ہر ریجن میں اپنا ایک پولیس اسٹیشن بنانے کے حوالے سے غور کررہے ہیں تاکہ چوری کو کم کیا جاسکے۔ایک سوال کے جواب میں غلام سرور خان نے کہاکہ گیس کی قیمت کو بڑھانے کی وجہ کمپنی کا 157 ارب خسارہ ہے ،ہم نہیں چاہتے کہ یہ کمپنی بھی سٹیل مل اور پی آئی اے کی طرح ہوجائے۔انہوںنے کہا کہ سلیپ ریٹ میں تبدیلی کے باعث ہمارے سسٹم میں بھی خرابی آئی ہے جس کی وجہ سے عوام کو زیادہ بل آرہے ہیں،اس حوالے سے انکوائری جاری ہے اور اس ماہ کے اختتام تک تمام انکوائری رپورٹ وزیراعظم کو پیش کر دی جائے گی ۔ وفاقی وزیر نے بتایا کہ آج سے ہم یو ایف جی کیمپین کا باقاعدہ آغاز کر رہے ہیں،اس نیشنل لاس کو کم کرنے میں ہمیں آپ لوگوں کا بھی تعاون چاہیے۔ایک سال کے لیے زیرو ریٹڈ انڈسٹری کے لیے ہم نے سبسڈی دی ہے کیونکہ سندھ کے مطابق ریٹ دینے کا اور کوئی طریقہ نہیں۔ایک سوال کے جواب میں وفاقی وزیر نے کہا کہ قطر گیس لائن پر انکوائری ہم سے پہلے کی چل رہی ہے،اس معاملے پر ہم اس لیے نہیں گئے کیونکہ نیب ،ایف آئی اے اور کورٹ اس معاملے کو دیکھ رہاہے لیکن ہم اس کے علاوہ معائدوں کو دیکھ رہے ہیں لیکن ٹھیک طرح سے تاکہ بعد ہمیں اس کا نقصان نہ ہو۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.