پی آئی اے کا کراچی ، اسلام آباد ، پشاور اور کوئٹہ سے فضائی آپریشن کا آغاز

وزیر اعظم کی بیرون ملک پھنسے پاکستانیوں کو جلد وطن واپس پہنچانے کیلئے چیف ایگزیکٹو آفیسر کو ہدایات پانچ ہزار سے زائد مسافروں کو وطن واپس پہنچایا جا چکا ،پی آئی اے کے آپریشنل عملہ کی چھٹیاں منسوخ کر دی گئی ہیں، وفاقی وزیر محمد میاں سومرو

ہفتہ 2 مارچ 2019 15:10

پی آئی اے کا کراچی ، اسلام آباد ، پشاور اور کوئٹہ سے فضائی آپریشن ..

اسلام آباد (اُردو پوائنٹ اخبارتازہ ترین - این این آئی۔ 02 مارچ2019ء) پی آئی اے نے ملک کے چار بڑے ایئر پورٹس کراچی ، اسلام آباد ، پشاور اور کوئٹہ سے فضائی آپریشن کا آغاز کر دیا ۔ ہفتہ کو جاری ایک بیان کے مطابق وزیر اعظم عمران خان نے پی آئی اے کو بیرون ملک پھنسے ہوئے پاکستانیوں کو جلد از جلد وطن واپس پہنچانے کیلئے چیف ایگزیکٹو آفیسر ائر مارشل ارشد ملک کو ہدایات جاری کر دیں۔

وفاقی وزیر ہوا بازی محمد میاں سومرو سعودی عرب اور خلیجی ممالک سے مسافروں کو ترجیحی بنیادوں پر واپس پہنچایا جائے۔

(جاری ہے)

محمد میاں سومرو وفاقی وزیر ہوابازی نے کہاکہ عمرہ زائرین اور خلیجی ممالک کے مسافر جن کے ویزہ کی معیاد ختم ہو رہی ان کو ترجیح دی جارہی ہے۔انہوںنے کہاکہ اب تک پانچ ہزار سے زائد مسافروں کو وطن واپس پہنچایا جا چکا ہے۔انہوںنے کہاکہ پی آئی اے کے آپریشنل عملہ کی چھٹیاں منسوخ کر دی گئی ہیں۔

انہوںنے کہاکہ پی آئی اے کے مسافروں کے متعلق شعبہ جات مسلسل مسافروں کی رہنمائی میں مصروف ہیں۔انہوںنے کہاکہ پی آئی اے کے چیف ایگزیکٹو آفیسر ائر مارشل ارشد ملک آپریشن کی نگرانی کر رہے ہیں۔انہوںنے کہاکہ پی آئی اے ملکی ضروریات کے وقت مسافروں کی جانب سے تعاون پر شکر گزار ہے۔