پشاور آپریشن ،ہلاک ہونے والے دہشتگردوں میں افغان خودکش بمبار وں کا چار بڑے واقعات میں ملوث ہونے کا انکشاف

دہشت گردوں کا تعلق کالعدم تحریک طالبان پاکستان سے تھا جو بڑی کارروائی کی منصوبہ بندی کررہے تھے، رپورٹ

بدھ 17 اپریل 2019 14:21

پشاور آپریشن ،ہلاک ہونے والے دہشتگردوں میں افغان خودکش بمبار وں کا ..

پشاور (اُردو پوائنٹ اخبارتازہ ترین - این این آئی۔ 17 اپریل2019ء) صوبائی دارالحکومت پشاور کے پوش علاقے حیات آباد میں آپریشن کے حوالے سے انکشاف ہوا ہے کہ ہلاک ہونے والے دہشت گردوں میں افغان خودکش بمبار چار بڑے واقعات میں ملوث بتائے گئے ہیں۔پولیس ذرائع کے مطابق ہلاک ہونے والوں میں 20 سالہ افغان خودکش بمبار عمران محمد بھی شامل ہے۔ذرائع کے مطابق حیات آباد آپریشن انٹیلی جنس کی بنیاد پر کیا گیا۔

(جاری ہے)

دہشت گردوں کا تعلق کالعدم تحریک طالبان پاکستان سے تھا جو بڑی کارروائی کی منصوبہ بندی کررہے تھے۔ذرائع کے مطابق ہلاک ہونے والے دہشت گرد ہائی کورٹ کے جج، اے آئی جی اور ایف سی کی گاڑی پر حملے میں ملوث بتائے جاتے ہیں تاہم کارروائیوں کے لیے وہ بارود سے بھری موٹر سائیکل اور خودکش بمبار استعمال کرتے تھے۔ذرائع نے بتایا کہ تباہ ہونے والی عمارت سے خودکش جیکٹ بنانے کا سامان بھی برآمد ہوا ہے