ہاکی فیڈریشن کے نئے نامزد کردہ سیکرٹری اولمپئن آصف باجوہ نے ذمہ داریاں سنبھال لی

پیر 6 مئی 2019 15:45

لاہور(اُردو پوائنٹ اخبارتازہ ترین - این این آئی۔ 06 مئی2019ء) پاکستان ہاکی فیڈریشن کے نئے نامزد کردہ سیکرٹری اولمپئن آصف باجوہ نے ذمہ داریاں سنبھال لی ہیں۔

(جاری ہے)

نیشنل ہاکی اسٹیڈیم لاہور ہیڈکوارٹر آمد پر دو سابق اولمپئنز سمیت فیڈریشن کے ملازمین نے ان کو خوش آمدید کہا،تفصیلات کے مطابق ستمبر 2013 میں سیکریٹری ہاکی فیڈریشن کے عہدے سے مستعفی ہونے والے آصف باجوہ کو صدر پی ایچ ایف خالد سجاد کھوکھر نے شہباز سینئر کی جگہ نامزد کیا ہے، اب ہاکی فیڈریشن کی جنرل کونسل ان کی باقاعدہ منظوری دے گی۔

سیالکوٹ سے تعلق رکھنے والے آصف باجوہ نے 2017 میں پاکستان تحریک انصاف کو جوائن کیا اور پی ٹی آئی کی طرف سے ٹکٹ نہ ملنے پر این اے 114 سے آزاد امیدوار کے طورپر الیکشن لڑا لیکن بری طرح شکست کھائی۔ سیاست میں ناکامی کے بعد ایک بارپھر کھیل کی بحالی کیلئے میدان میں آگئے ہیں سیکرٹری پی ایچ ایف کا عہدہ سنبھالنے پر انہوں نے ڈومیسٹک ہاکی سمیت تمام معاملات کو بہتر بنانے کا عزم ظاہرکیا ۔