بنگلادیش میں لگا سپن وکٹ ہوگی مگر وہاں پیسرز کو مدد ملی، لاڈرہل کی پچ سے سپنرز کو مدد ملی : صائم ایوب

پاکستان نے 3 میچز پر مشتمل ٹی ٹونٹی سیریز کے پہلے میچ میں ویسٹ انڈیز کو 14 رنز سے شکست دے دی ہے

ذیشان مہتاب جمعہ 1 اگست 2025 12:31

بنگلادیش میں لگا سپن وکٹ ہوگی مگر وہاں پیسرز کو مدد ملی، لاڈرہل کی پچ ..

لاڈرہل (اردو پوائنٹ تازہ ترین اخبار ۔ یکم اگست 2025ء ) پاکستان ٹیم کے نوجوان کرکٹر صائم ایوب کا کہنا ہے کہ فخر زمان کے ساتھ یہی پلان کیا تھا کہ ٹائم لیں گے اور غیرضروری شاٹس کھیلنے سے گریز کریں گے۔

امریکی ریاست فلوریڈا کے شہر لاؤڈرہل میں کھیلے جانے والے میچ سے متعلق جیو نیوز سے گفتگو کرتے ہوئے نوجوان کرکٹر صائم ایوب کا کہنا تھا کہ بنگلادیش میں لگا تھا کہ اسپن وکٹ ہوگی مگر وہاں فاسٹ بولرز کو مدد ملی، لاڈرہل کی پچ خشک ہے یہاں اسپنرز کو مدد ملی ، اگلے میچز میں بھی اگر وکٹ ایسی رہی تو اسپنرز کو کافی مدد ملے گی۔

(جاری ہے)

دوران گفتگو میں صائم ایوب نے بتایا کہ اس طرح کی چیلنجنگ وکٹ پر تسلسل کے ساتھ شاٹس نہیں لگتے، نئے آنے والے بیٹرز کے لئے کھیلنا مشکل تھا، ہمارا کمبی نیشن اچھا بنا جب کہ صورت حال کے مطابق کوئی بھی کھلاڑی کھیل سکتا ہے۔

انھوں نے مزید بتایا کہ فخر زمان کے ساتھ یہی پلان کیا تھا کہ ٹائم لیں گے اور غیرضروری شاٹس کھیلنے سے گریز کریں گے۔

واضح رہے کہ پاکستان نے 3 میچز پر مشتمل ٹی ٹوئنٹی سیریز کے پہلے میچ میں ویسٹ انڈیز کو 14 رنز سے شکست دے کر 0-1 کی برتری حاصل کرلی ہے۔