پاکستانی نشریاتی مارکیٹ سنگین بحران کا شکار، نجی سپورٹس چینلر نے پاکستان ویسٹ انڈیز سیریز سے ہاتھ کھینچ لیا

ٹی وی اشتہارات کی آمدن، کارپوریٹ سپانسرشپس میں سالانہ 20 تا 22 فیصد کمی ، ایشیاء کپ کا براڈکاسٹر ’سونی‘ پاکستان کو کل فیس کا 25 فیصد ادا کرنے کا کہہ رہا ہے حالانکہ پاکستان کا حصہ تقریباً 10 فیصد ہے : عمر فاروق کالسن

ذیشان مہتاب جمعہ 1 اگست 2025 11:55

پاکستانی نشریاتی مارکیٹ سنگین بحران کا شکار، نجی سپورٹس چینلر نے پاکستان ..

لاہور (اردو پوائنٹ تازہ ترین اخبار ۔ یکم اگست 2025ء ) سینئر سپورٹس صحافی نے دعوی کیا ہے کہ پاکستان کی نشریاتی مارکیٹ سنگین بحران کا شکار ہے اور کم منافع کی وجہ سے کئی نجی سپورٹس چینل نے پاکستان ویسٹ انڈیز سیریز سے ہاتھ کھینچ لیا ہے۔

’کرک انفو‘ اور ٹریبیون جیسے اداروں سے منسلک رہنے والے سپورٹس صحافی عمر فاروق کالسن نے سماجی رابطے کی ویب سائٹ ’ایکس‘ پر اپنے خیالات کا اظہار کرتے ہوئے لکھا کہ ’ پاکستان کی نشریاتی مارکیٹ سنگین بحران کا شکار ہے۔

ٹی وی اشتہارات کی آمدن میں ہرسال 20 سے 22 فیصد کمی اور کارپوریٹ سپانسرشپس میں مسلسل کمی کے باعث بڑے ادارے جیسے اے سپورٹس اور ٹین سپورٹس نے خاموشی سے پاکستان بمقابلہ ویسٹ انڈیز سیریز سے ہاتھ کھینچ لیا ہے اور اس کی وجہ سرمایہ کاری پر کم منافع کو قرار دیا گیا ہے‘۔

(جاری ہے)

Pakistan’s broadcast market is facing a serious conundrum. With TV ad revenue down by 20–22% year-on-year and corporate sponsorships in decline, major players like A Sports and Ten Sports have quietly pulled out of the Pakistan vs West Indies series, citing poor return on…
— Umar Farooq Kalson (@kalson) July 30, 2025

ان کا مزید کہنا تھا کہ پاکستان میں ایشیاء کپ دکھانے کے رائٹس کے معاملے پر بھی بحران بڑھتا جارہا ہے۔

انہوں نے لکھا کہ ’’ ایشیاء کپ سے پہلے یہ بحران مزید بڑھ رہا ہے۔ SONY جس کے پاس 2031ء تک 170 ملین ڈالر کے معاہدے کے تحت ٹورنامنٹ کے حقوق ہیں پاکستانی براڈکاسٹرز کو کل فیس کا 25% ادا کرنے کے لیے کہہ رہا ہے حالانکہ پاکستان کا حصہ تقریباً 10% ہے۔ آئیے امید کرتے ہیں کہ یہ بلیک آؤٹ کا باعث نہیں بنے گا‘۔

this crisis is worsening ahead of the Asia Cup. SONY, which holds tournament rights under a $170 million deal running until 2031, is asking Pakistani broadcasters to pay 25% of the total fee even though Pakistan’s share believed to be around 10%. let’s hope it doesn’t lead to a… https://t.co/D6jn9k97TD
— Umar Farooq Kalson (@kalson) July 30, 2025